Tura, Aug 16: A•gilsakni dingtang dingtang biaprango minsing minggamako man•gipa ‘Rapture’ jawilwatko Bristibar salo skanggipa changna Tura-ni District Auditorium-oba mesokangaha aro ian Tura-ni manderangna dingtangmanchagipa Independence Day ba a•songni jakgitelani sal ong•aha.
Ia ‘Rapture’ jawilwatko nina gita Garo Hills-ni manderang, ru•uta sal somoirangonin ka•oksibee nisengsotokengachim aro uandaken Bristibar salo, ia jawilwatko skanggipa changna Tura-o mesokanio tikitrang bon•changpile manderang, ia jawilwatko nina chol man•aha.
Ia jawilwatko A•chikrangoni jawilwat tarianio mingsing minggamako man•gipa Dominic Sangma tariaha aro ia jawilwatko ong•katatanio Tura-ni Eva Gunme Marak-ba dakchake on•ahachim.
Ia minute 127 ong•gipa A•chikku jawilwatara, walni somoio mikgri ong•e saa donggipa bilsi 10-ni me•a bi•sani golpoko tarigipa jawilwat ong•a aro ia jawilwato ia me•a bi•sa, songo manderangni gimarongani ja•man, mande rim•gittanggiparang, be•enni bakrangko badingenga ine jangbingbanganirangko knasoenba, kene janggi tangachim.
Ia jawilwatko A•chikrangni dakbewal rikbewalo pangchake tariaha aro ia jawilwatko tarianio, Hubert Bals, Visions Sud Est aro Doha Film Institute-ba dakchake on•aha.
Ia jawilwatko tarina korosrangko Dominic Sangma-ni Anna Films, China-ni Xu Jianshang aro Sun Li, India-ni Anu Rangachar, Harsh Agarwal, Aditya Grover aro Stephen Zacharias nangrime dakchakaha.
Ia jawilwatko tarianio Northeast India-ni art-rangko namnikgipa Eva Gunme R Marak-ba mongsonggipa daitoko jako ra•aha.
Ia ‘Rapture’ jawilwat, a•gilsakni gipin biaprangoba mingsing minggamako man•aha aro da•o ia jawilwatko Tura-oba Meghalaya sorkarini Arts & Culture Department aro Directorate of Information & Public Relations baksa nangrime mesokna cholko man•engaha.
Ia jawilwatko re•baenggipa August 25 tarikona kingking Tura-ni District Auditorium-o mesokangkugen aro ia jawilwatko nina gita tikitrangko Belinda House SBI Araimile Branch, Sora Complex aro Ringre-o donggipa NM Sangma Complex-ni Black Orange-oniko brena gita man•gen.
Na·simang ia video-koba nina man·gen:
Na·simang iakoba poraina man·gen: East Garo Hills-ni KVK chadamberangna post-harvest management technology-rangni bidingo vocational training program-ko ong•atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
