Guwahati, August 18: Assam a•dokni me•chik journalist-rang apsan ku•mongenba, kam ka•chakram biaprango naljokani aro kam ka•chakram biapo apsangrik ong•aniko am•na gita ‘Assam Women Journalists’ Forum” (AWJF) dolko bikotaha.
Sonibar salo, Gauhati Press Club-o ong•atgipa tom•anio saksa sakgipin baksa agan-golpogrikna, meligrikaniko nambatatna, an•tangni u•iani aro dake nikgiminrangko sakgipinna u•iate on•a, songsalni gita aro kamtangni gita nika niarangni bidingo u•igrikaniko dakna ia dolko a•bachengataha. Ia dolni gita media-o kam ka•enggipa me•chikrangni changa sapani aro u•i ma•sianiko apalbatatna workshop-rang, seminar-rang aro biaprangko re•roroe nianirangkoba ong•atanggen. Iano a•gipibatgipa member-rang media-ni a•bao kam ka•na sikgipa chadamberangna skie on•anirangko dakangskagen.
Media-o kam ka•enggipa me•chikrangna kam ka•chakram biapo aro koborrangko ra•na re•ani somoio naljokaniko mongsongbate walo kam ka•ani dongo kam ka•chakram biapona re•ruraanio naljokaniko ia dolni gita on•anggen. Uasan ong•aigija, ia dol mikkang niteaniko ra•galenba kam ka•chakram biapo mikkang nitea gri apsangrik ong•aniko ra•bana miksongenga.
Ia tom•anio, AWJF-ko songsal ge•sa gita segatenba committee-ko bikotna tik ka•angaha. Ia committee-ni gita seokgimin member-rangara :
President – Durba Ghosh (PTI); Vice President-rangara – Samim Sultana Ahmed (Dainik Agradoot) aro Afrida Hussain (NE NEWS); General Secretary – Nasreen Habib (The Assam Tribune); Joint Secretary-rangara – Mridusmita Bhuyan (DY365) aro Arunima Kalita Medhi (Asomiya Khabar); Treasurer – Bidisha Singha (The Assam Tribune); Organising Secretary-rangara – Tora Agarwala (Independent Journalist) aro Anjumoni Bardoloi (Pratidin Time); Publicity Secretary-rangara – Manisha Kalita (Desh Today) aro Chandrani Sinha (Independent Journalist) aro sak 7 executive member-rangara : Karisma Hasnat (The Print), Barasha Das (Independent Journalist), Mitali Konwar (Pratidin Time), Pallavi Saikia (The Sentinel), Garima Sarma (Time8), Nibha Rani Roy (Independent Journalist) aro Geetasri Talukdar (News18) ong•a.
A•gipibatgipa journalist-rang jekai Maini Mahanta, Anuradha Sarma Pujari, Enaxi Saikia Barua, Sabita Lahkar, Indrani Raimedhi, Ratna Bharali Talukdar, Mubina Akhtar, Monalisa Sarma, Jahnabi Khound, Aloka Baruah aro Swapna Bezbaruah iamangko ra•enba ia committee-ni gita advisory council-ko donatna tik ka•angaha.
Ia dolni gita pilak Assam-ni me•chik journalist-rang jemangan ia dolni bak ong•kujaengachim uamangko mikkangona re•baenba ia dol baksa bakrimechina didianikoba dakangaha. Ia tom•anio, a•gipibatgipa aro bijangchi gadango donge kam ka•enggipa media-ni manderang baksana dingtang dingtang media-rang jekai print, electronic, digital aro independent journalist-rangni kamrangko ka•na gital re•bagiparangba bak ra•angpaaha.
Ia tom•aniko dakengon, 2024 bilsini August 9 tariko, Kolkata-o skie ra•enggipa me•chik doctor saksako uni kam ka•chakram biapo drae til•eka aro so•ota man•gipako gisik ra•ani bak gita minute 1-na jrip donganikoba dakangaha.
Na·simang ia video-koba nina man·gen:
Na·simang iakoba poraina man·gen: Arunachal Pradesh-ni Namsai a•jao donggipa judicial custody-oni sakbri dos dakgipa manderang joke kata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
