Guwahati, July 8: Sombar salo, Lok Sabha-ni Opposition dolko dilenggipa Rahul Gandhi, Assam aro Manipur a•dokrangona re•bae, neng•nikanirangko chagrongna nangenggipa manderangko grongangaha.
Manipur a•dokona re•angna skang ua Assam a•dokona re•baenba, chi bananichi nokgri jamgri ong•e relief camp-rango ma•chakenggipa manderangko grongangaha.
Assam a•dokni Cachar aro Lakhipur a•jarangona re•ange Congress dolni MP Rahul Gandhi, relief camp-rango ma•chakenggipa manderangko grongangaha aro uni ja•man joljol rama gita Manipur-ona re•angskaaha.
Manipur-ona sokangani ja•man ua skanggipa Jiribam a•jao, dolgni dinggrikanichi neng•nikanirangko chagrongna nangenggipa manderangko grongeaha aro uni ja•man Churachandpur aro Bishnupur a•jarangonaba re•ange, dolgni dinggrikanio neng•nikanirangko chagrongna nangenggipa manderangko grongeaha.
Ia biaprangona re•ange manderangko grongeani somoio Gandhi baksana Manipur Congress-ni state president Keisham Meghachandra aro CLP-ni dilgipa O Ibobi Singh-ba dongpaaha.
Manipur a•dokona re•baani bidingo All India Congress Committee (AICC)-ni Jairam Ramesh, kobor ra•timgiparangna talate on•angengon, a•songni Prime Minister Narendra Modi-de ia kalimenggipa a•dokni manderangko grongeani pal gipin a•songrangonasa wene roskaenga indiba Congress dolni dilgipa Rahul Gandhi-de re•anggipa bilsini May ja intal da•o ia biapona re•bae manderangko grongea changgittam ong•engaha ine parakataha.
A•songni PM Narendra Modi, July-ni 8 aro 9 tarikrangon Russia-ona re•ange, July-ni 9 aro 10 tarikrango Austria a•songona re•angskana siengachim.
Na·simang ia video-koba nina man·gen:
Na·simang iakoba poraina man·gen: Arunachal-o mikkarang wae a•arang ruronganichi ramarang champengatako man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
