Shillong, April 26: Assam-Meghalaya sima-arini golmalni bidingo kam ka•na Khasi Hills Autonomous District Councilni border committeerang courtona re•angna sienga. Assam-Meghalayani sima-ario meligrikgijagipa dam 12 biaprangoni damdok biaprangko sorkari Mou soi ka•grikahachim. “Ia simarangko MOu soi ka•grikanio adita songrang neng•nikaniko chagrongenga. Ambi-atchuoni man•rikrikbaenggipa a•ako gipin a•dokona chanchapatako man•a sienga, unigimin dingtangmancha co-ordination committeeko songe dambonga Himarang baksa kam ka•na siengaha” ine KHADC ni opposition dilgipa PN Syiem kobor ra•timgiparangna aganaha. Iano man•chapgipa dambonga Himarangara Hima Jirang, Hima Nongspung, Hima Mylliem, Hima Jyngam aro Hima Nonglang ong•a.
Iani bidingo namgrikaniko ra•bana aro nangchongmotgiparangni bidingo agangrikna Co-ordination committee raken ja•ku ga•angna sienga ineba Syiem aganaha. Iako basako courto petitionko ka•angna sienga ine sing•ana aganchakengon, “iako chinga ta•raken kam ka•gen aro ian committeerangni gisik seng•e kam ka•aosa pangchakaigen ineba ua aganaha.
“Skotong minister Conrad Sangma aro dakchakgipa skotong minister Prestone Tynsong, ia MoU soi ka•giminko mamingba dakna man•jawaha ine aganengani gimin chinga iako kam ka•na draatako man•aha” ineba ua talatangaha.
