Guwahati, March 10: Assam a·dokni Finance minister Ajanta Neog 2025-2026 na tarigimin budgetko da·al parake on·aha. 2025-26 bilsirangna tangka gong lak 2.63 krorko Assam sorkari chamahaoba gong 620.27 ko sorkari nangdapkuenga. Tangka paisarangko chamengon uamang mongsongbate education-na, me·chikrangna, chadamberangna, daka-rikaniko skie ra·gipa (skill development), bading-chiwalgipa aro game-ge·e cha·giparangna mikpakma nibatenga.
Indiomangba ia chamgimin tangka-paisarangni bidingo chu·ongnikgija aro suk ong·gija bang·bea opposition MLA rangan agantokaha. Ian mikkang 2026 bilsio lekka pu·onani sokbaengahani gimin manderangko salna dakanisan ong·aia ine opposition dilgipa Debabrata Saikia ku·jokaha.
“Da·al salo ia tangka-paisa chamani aro de·e ra·baani mamingan ong·jawa, Assam a·dok silrorojawa, maina Assam a·dok jatsa-jatgipinko aro torom-torom gipinko mitchigrikgipasa ong·engjok. Je biaprangon chonchongipa jatrang bang·e donga iandakgiparango tangka-paisa chamani chu·ongchongmotja, ian 2026 bilsini pu·onanina dakmikbranganisan ong·aia” ine AIDUFni MLA Aminul Islamba aganpaaha.
Ian pu·onani sepangahani gimin dakenggipasa ong·a. Assamo chadamberangko ra·doani dongjawa, a·dokni silroro-namroroanina kam ka·samsoani aro niksamsoani grichingmot” Raijor Sal MLA aganaha.
Indiomangba BJP MLA Diganta Kalita uamangni agananirangko jechake talate on·angenba, ” chinga ia chamgimin tangka-paisarangni bidingo mamingkon jeani dongjawaha, ian namen nambejok. Mikkang bilsio a·dokni dingtang dingtang a·barango kam ka·enggiparang rang·doaniko nikchongmotgen. Game-ge·e cha·enggiparang, skia-pora, sana-banani aro ramram manderangni janggi nanganirang nambatna ka·dongenga” ine aganskaaha.
Na·simang ia video-koba nina man·gen:
Na·simang iakoba poraina man·gen: Manipur police dingtang dingtang bobil dake chakatgipa dolrangoni sak 12 manderangko rim·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
