Guwahati, Feb 1: Assam a·dokni Chief Minister Himanta Biswa Sarma-ni atchiani salko maniani bak gita Sonibar attamo Bharatiya Janata Party (BJP) Yuva Morcha, sal-wal cricket kal·susaaniko, Guwahati songjinmani Beltola School kal·chakramo ong·atangaha aro ia cricket kal·susaanio, Guwahati songjinmao donggipa dol 16 BJP Mandal-rang bak ra·angaha.
Ia cricket kal·susaaniko ong·atani bidingo BJP-ni dilgipa Manash Bora, talate on·angengon, ia cricket kal·susaaniko ong·ataniara, Chief Minister Himanta Biswa Sarma aro Assam-o songdongenggipa manderangni gisepo nangrimaniko mesokani ong·a ine aganaha.
Ia cricket kal·susaaniko ong·ataniara uamangni Chief Minister-na birthday gift ba atchiani salna boksis on·pilskaani gita ong·enga ineba Bora aganaha.
Ia bilsio ong·atna sienggipa Assembly election-oba Sarma chepiltaigen aro Assam a·dokko mangrake dilangkugen ineba Bora, an·tangni ka·dongchakenganiko parakataha.
BJP-na kamko ka·enggipa me·chik saksa Roma Kalita-ba ia manianio dongpae bak ra·pana man·ahani gimin an·tangni kusi ong·aniko parakangaha aro jinmani pal, Chief Minister Sarma-na namgipa skaniko on·angaha.
Ia apsan somoion Chief Minister-ni atchiani salko maniani bak gita me·chikrangni cricket kal·susaanikoba ong·atenga ineba Kalita aganaha.
Na·simang iakoba nina man·gen:
Na·simang iakoba poraina man·gen: Shillong Airport-ko dal•dapatani: A•ako nangdapgenchimode sorkari uko ra•dapgen ine Dhar agananga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
