Boko, Jan 02: Meghalaya a•dokni West Khasi Hills a•jani Assam-Meghalaya sima ari jolo donggipa Umshek songni kal•chakramo, Gijang Area A•chik Cultural Arts and Sports Association-ni gita chang 8-gipa Songkristan Competition-ko bristibar salo ong•atangaha. Wangala Dance ba a•chikrangni bewalo chrokanichi ia competition-ko a•bachengataha, jeon Rambrai-Jyrngam Constituency-ni MLA, Remington G Momin, mongsonggipa sokgipa ong•e bak ra•angaha.
Malangkona-Sildubi-o MDC-na Susana sienggipa, Lurshai Kharbani, A•chik Holistic Awakening Movement (AHAM), Aradonga Regional Unit-ni President, Spren G Momin, General Secretary, Jenggrim A Marak, Federation of Khasi, Jaintia and Garo People (FKJGP), Aradonga Unit-ni President, Trellingstar Shira aro Kamrup a•jani GSU-rang baksana Meghalaya aro Assam a•dokrango donggipa A•chik songrangni sak 100 mangni gita manderang okamako man•e bak ra•na re•batokaha.
MLA Remington G Momin, Songkristan program-ko ong•atna nangchongmotani gimin aganengon, ian a•chikrangni gisepo tom•tomani, namroro silroroani aro ku•cholsan ong•aniko ra•dona dakchakani gimin iako bilsiantin ong•atrongbaenga ineba aganangaha.
Songkristan-ko pangnan bilsi gitalko maniani somoio ong•atronga ine aganengon, ia bilsio ua Gijang jolo donggipa bang•a songni manderangko okame ia competition-ko uamangni manderang baksa ong•atangaha ine aganengon, ia Songkristan Competition-ko ong•atanio Maspara, Malapara, Khasi Salbari, Maslapara, Athiabari, Ranikhat, Dogaon-Malang, Umshek, Madankillor aro Rambrai-Jyrngam Constituency-ni ning•o donggipa Rongdhali songrangoni chrokgipa dol 10 bakko ra•angaha, ine MLA Momin u•iataha.
Ia competition-ko ong•atanio, Ranikhat songni chrokgipa dol skanggipa biapko, Maspara songni 2-gipa aro Dogaon songni 3-gipa biapko man•angaha. Iano skanggipa biapko man•gipana tangka gong 30,000-ko, 2-gipana 20,000-ko aro 3-gipana 10,000-ko on•angaha. Re•anggipa bilsiode Songkristan susaanio Malapara songni chegipa ong•achim.
MLA Momin tom•anio aganengon, Wangala ian Achikrangni bewalo chrokani ong•a aro Songkristan-ara Christian ong•gimin a•chikrangni bebe ra•ani maniani ong•skaa ine aganangaha. Re•baenggipa bilsirango Assam aro Meghalaya a•dok sorkarirang ia Songkristan-ko ong•atna gita a•chikrangna dakchakaniko on•gen ine ka•donganiko aganangan baksana, ia jolo donggipa dingtang dingtang jatrangkoba ua apsan ku•mong nangrime dongchina gitaba didianikoba dakangaha.
Na·simang ia video-koba nina man·gen:
Na·simang iakoba poraina man·gen: Ri Bhoi a·jani police-rang gram 254 ong·gipa heroin samrangko man·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
