Shillong, May 16: Adita sal skang, Assam baksa sima-ariko kachape dongenggipa Meghalaya-ni songrango golmal ong·anganiko knasoani gisepon, kajia-golmalrang gnanggipa simani bidingo bang·gija antirangni gisepon Assam aro Meghalaya sorkari dolgni agangrikaniko daktaigen ine skotong minister Pa Conrad K Sangma, Mongolbar salo u·iatangaha.

West Jaintia Hills, Khanduli songo sima-arina kajia ong·anggipani bidingo Assam sorkari baksa agangrikjringenga ine u·iatangengon, ia ja bon·na skangan ia mamlako Assam sorkari baksa tom·e chanchirimanggen ine Pa Sangma u·iataha.

“Sima-ariko kachape donggipa songni manderangna ka·dongataniko on·na aro a·dok damgnini gisepo so·so-jengjeng ong·anirangko sokatgnigipa pilak ong·gija kamrangko ka·jachina a·jatangtangni district administration, pilak songdonggiparang aro a·jani bil man·gipa aro officalrangko didijolna gita mongsong golmal gnangbatgipa sima jolrangona re·e apsan nirokanganiko daknaba sorkari ge·gnian tik ka·aha ine skotong minister parakataha.

Iakoba poraie nina man·gen: GNLA-ni koborko chekani ja·manosa, sorkari ja·kuko de·anggen ine skotong minister agananga