Tura, Apr 28: Assam aro Meghalaya a•dokni simarango so•sojengjeng ong•aniko namatna gita a•dok damgnini soi ka•grikgipa MoU-ni bidingo politics kal•jachina gita Bristibar salo, Meghalaya a•dokni Chief Minister Conrad K Sangma, opposition dolrangko mikrakataha.

Chief Minister-ni parakatani gitade, 2011 bilsio on•atgipa map-o pangchakesa Meghalaya sorkari, Assam baksa agangrikanirangko dakaha aro so•sojengjeng ong•enggipa biaprangko namatna ja•kurangko de•ahachim.

Manderangni namgninasa a•dok damgnini gisepo songgigrike MoU-o soi ka•grikaha ineba Sangma parakataha.