Guwahati, July 26: Assam, Dibrugarh a·jani Namrup jolo donggipa Brahmaputra Valley Fertilizer Corporation Limited (BVFCL)-ko chipchina gita batanggimin somoio ku·pattiangani bidingo Chemicals & Fertilizers-ni union minister of state Pa Bhagwanth Khuba-ni janapatani gisepon, adita jingjengatanirangko dakangani ja·man ia kharkanako chipna da·odipet chanchia dongkuja ine ma·mongni Chemicals & Fertilizers minister Pa Mansukh Mandiviya, Butbar salo u·iatangaha.

Iani bidingo, Butbar salo kobor ra·timgiparangni mikkango aganangengon, Assam-o donggipa BVFCL fertilizer plant-ko chipjawa ine a·dokni manderangna ka·dongataniko on·angenba, ia kharkanako batesa namdapatan baksa nano urea plant-ko ra·banasienga ine Pa Mansukh Mandaviya parakataha.

Nano plant-ni gimin talatangengon, a·jani manderangna kam ka·e cha·na namgipa cholko on·na gita ua biapona nano urea plant-ko ra·badapna gita miksongenga ineba minister agandapataha.

Iakoba poraie nina man·gen: Tura-o CM aro NGO-rangni tom•aniko golmal ka•china didina gita tangka aro churangko jakkala: DGP

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub