Shillong, July 25: Sombar salo, Meghalaya a•dokni Chief Minister, Garo Hills-ni dingtang dingtang dolrang, jekai ACHIK, AIGU, All ACHIK Youth Welfare Society, GSMC aro uandakgipa dingtang dingtang dolrang baksa tom•e agangrikaniko golmal ka•china didina gita tangka aro churangko jakkalaha ine a•dokni Director General of Police (DGP) Dr LR Bishnoi parakataha.

Dr Bishnoi-ni parakatani gitade, ian Chief Minister-ko chadrapna badiaba dolni miksongmanchae dakgipa kamsa ong•ahachim.

Police-rangni nirokanio kamrang adita olgrokaha ine ku•rachakaniko on•angengon, Chief Minister-ni Office (CMO)-ko ro•ongrangchi goe chadrapanio jak donggipa sak 26 manderangkode police-rang ma•simanaha aro ia sak 26 manderangoni Richard Marak-ko man•chape gimik sak 19 manderangko rim•na man•aha ine DGP parakataha.

Dr Bishnoi-ni aganani gitade, manderangko ding•chaoatanio Richard Marak-an mongsonggipa mande ong•a aro ia a•sel ong•na skang ua golmal ka•gipa manderangna tangkarangkoba sualaha ine sakkirangba donga.

Chief Minister-ko chadrapna jotton ka•gipa aro ma•manti gam-jinrangko nisie galanio jak donggipa manderangna niamo pangchake sastirangko on•gen ineba Dr Bishnoi parakataha.
Ia a•selni bidingo ning•tubate sandirokna gitaba a•dokni DGP ku•rachakaniko on•angaha.

Iakoba poraie nina man·gen: Tom·tomaniko golmal ka·giparangni kosako kema dongjawa ine West Garo Hills-ni DC mikrakata

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub