Guwahati, July 10: Sukrobar salo, Assam-ni Finance Minister Jayanta Malla Baruah, Legislative Assembly-o 2026-27 bilsini Budget Session-ko mesoke on·angaha. BJP, iako Assam-ni mikkangchi namroro silroroaniko mikkango done tarigipa budget ba tangka chamani ine aganengon, opposition dol iako “copy paste” ba re·anggipa bilsini budget baksa apsangipa aro manderangni namgnina ra·bagipa ong·ja ine aganangskaaha.
Raijor Dal-ni MLA Akhil Gogoi, ia budget ba tangka chamanio mamingba gital mongsonggipa ja·ku de·anirang dongja baksana bang·batan loan-rang aro ma·mong sorkarini on·gipa project-rango pangchakaigipasan ong·a ine u·iatangaha. Indake on·engon, ua gama ge·anina chi-rangko on·a kror 4,000 tangkarangko ian name a·bachengate on·genchimode game ge·e cha·giparangna dakchakaniko on·a man·gen ine aganenba ua namnike ra·chakangaha.
Congress MLA aro Deputy Leader of the Opposition J. P. Das, ia budget-ko game ge·e cha·gipa aro ramram manderangna namgniko on·gipa ong·ja ine aganenba, ian game ge·e cha·giparang, kangal cholgri, chadamberang, me·chikrang, adivasi-rang aro songsalo donggipa gipin jatrangni nangnikanirangko chu·sokatna gita man·jaha ineba ua matnangataha.
AIUDF-ni MLA Mujibour Rahman-ba ia tangka chamaniko re·anggipa bilsi baksa apsangipa ine aganengon, a·dok sorkarini gro jinnang dakani batroroani a·sel ramram manderangnade ian bang·gija namgnirangkosan ra·baaiaha ine ua matnangatskaaha.
BJP-ni MLA Pabitra Rabha, ia budget ba tangka chamanina warachakaniko on·engon, ian kamrangko nakatatani, game ge·e cha·giparangna dakchakani, nambata sana banani bidingo poraiani aro songsalna namgniko ra·bagipa scheme-rangko man·chape a·dok sorkarini election-o ku·rachakgiminrangko chu·sokatna dakchakaha ine u·iatengon, ia budget-ara Skotong Minister Himanta Biswa Sarma-ni Assam-ni namroro silroroanina ru·uta somoirangna chanchisamsoanirangko mesokani ong·a ine Rabha janapataha. Iani gisepon, uamang politics-ni a·selsa ia budget-ko jegalenga ine ua opposition dolrangko matnangataha.
Na·simang iakoba nina man·gen:
Na·simang iakoba poraina man·gen: KHADC Bill-ko dondikatchina mol·molanina M’ya-ni Guv name aganchakaniko on·a : Shullai
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
