Palashbari, Jun 22: India a•songni bang•bata biaprangon, songni nokni me•chikrang, nokni kamrangko ka•na nange, an•tangtangna tangka paisarangko kamaina cholrangko man•rongja indiba Assam Kamrup a•jani Palashbari constituency ning•o donggipa Chapathuri songode da•o me•chikrangba, jatni dakbewal rikbewalo pangchake, ba•rarangko dokanichi, an•tangtangna janggi tangani cholrangko dake ra•na man•paengaha.
Chapathuri songni ba•ra dokgipa me•chikrang, Antaran – Tata Trusts-ni dakchakanichi, jatni gamchatbegipa daka rikaniko ripingan baksana chonchongipa ba•ra dokani karkanarangko chalaianioba chu•sokgiparang ong•na man•engaha ine kobor on•timgiparang parakataha.
Chapathuri songara, Guwahati songjinmaoni kilometer 50-mang chel•ao donggipa song ong•a aro ia songo Hindu aro Muslim jatrang, sak 1000-na baten meli-nangrime songdong a•chatokenga. Ia songo bang•bata nokdangrangan gama ge•anio pangchakgiparang ong•a indiba da•o songni me•chikrangna, ba•ra dokaniba janggi tangani cholko on•na man•engaha.
Ia songo ba•ra doke cha•enggipa me•chikrang, kilding dol•a, rong sim•a aro pilak kamrangkon an•tangtangni chonchongipa karkarangon ka•enga aro uamang, Assamese-rangni jakkalgipa dingtang dingtang ba•ra kancharang, jekai Mekhela Chador, Saree, Dupatta, Gamocha aro uandakgipa ba•rarangko dokenga.
Ia songo ba•ra doke cha•enggipa me•chikrangna Antaran – Tata Trusts-ni gita ba•ra dokaniko skie on•an baksana dingtang dingtang nanga dakchakanirangkoba on•enga.
Ia songni me•chikrangna dakchakanirangko on•ani bidingo, Antaran-Tata Trusts-ni official Rupkatha Ghush, Hub News-na talate on•angengon, songni me•chikrangna Antaran dolni gita ba•ra dokanikosan skie on•enga ong•ja indiba bosturangko pala sim•aniona kingkingan pilak nanga dakchakanirangko on•enga ine parakataha.
Ghush-ni aganani gitade, Assam-o uamang Bijoynagar aro Hajo-o incubation design centre-rangko bilsirango kulichengaha aro kamko a•bachengmiting somoirango ba•ra doke cha•enggiparang, bilsiprakon gong lak 80-mangni gita tangka paisarangko kamaina man•aha. Ja•mano dingtang dingtang biaprangoni bading chiwalgiparang baksa agangrike, bosturangko bang•bate watna man•ahani gimin ba•ra doke cha•enggiparangni man•gniko bilsion gong crore 3.5-mang ong•na sipile bariatna man•aha ineba ua aganaha.
Chapathuri songo ba•ra doke cha•enggipa me•chikrangni aganani gitade, a•bachengo uamang japrako gong 2000-3000 dakerangsan tangkarangko kamaina man•aiachim indiba da•ode japrako gong 20,000-oni gong 30,000-mang ong•pile tangkarangko kamaina man•engaha.
Uamangni dokenggipa ba•ra aro dingtang dingtang bosturangko internet gitaba palenga aro exhibition-rangchi gipin a•dokrangoba palenga ine ba•ra doke cha•enggipa me•chikrang parakataha.
Na·simang iakoba nina man·gen:
Na·simang iakoba poraina man·gen: Tripura-o ganja bitchilrangko Police dolrang rim•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
