Guwahati, Sept 11: Assam-ni Goalpara-o gipin biapona apjitatna skang dikdiksa somoirangna refugee-rangko donchakna tarigipa camp-o donggipa sak 100 mangna batpile Myanmar-ni Rohingya aro Chin refugee-rang ru•ute donchipani gimin okgimu chake jingjengataniko a•bachengataha.
Additional Chief Secretary (Home), Ajay Tewary, iani bidingo camp-o donenggipa manderang baksa agan-golpogrikaniko dakna gita pattokni Inspector General aro Home Secretary-ko camp-ona watataha aro ia ong•enggipa obostarang ta•raken nampilgen ine ua an•tangni ka•donganiko parakataha.
Myanmar a•songoni niamgri India a•songona napbagipa me•chikrang aro bi•sarangko man•chape chu•gimik sak 103 Rohingya aro China-ni refugee-rangko camp-o donatahachim.
Ia jingjengatgipa dolrang, an•tangtangko Delhi-ni United Nations High Commissioner for Refugees (UNHCR) dolna pakwatatchina gita dabianiko dakenga, jedakode uamang gital a•songo songdong a•chapilna gita man•gen.
Re•anggipa July jao, Goalpara detention centre-o donggipa Myanmar-ni sak 35 refugee-rang district administration-na gimikni palo gipin biapona apjitatchina gita lekkako seatahachim aro ia seatgimin chittiko a•dokni home department-naba watatman•achim.
2023 bilsioni chalaiba•enggipa, Goalpara-ni Matia detention centre ian a•songni iandakgipa namgnirangko on•giparangoni dal•batgipa centre ge•sa ong•a.
Na·simang ia video-koba nina man·gen:
Na·simang iakoba poraina man·gen: Int’l Conference-o a•songni PM Modi video gita aganprakata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
