Guwahati, August 13: National Green Tribunal (NGT) dol, maming kobor ba u•iatagri Upper Assam-ni Sivasagar a•jao donggipa Geleky Reserve Forest-ni 28 hectare mangni gita a•arangko gipin kamna jakkalna on•anina Assam-ni gitcham Principal Chief Conservator of Forest (PCCF)-ni kosako ja•ku de•ani bidingo Ministry of Environment, Forest and Climate Change (MoEFCC)-oniko talataniko bi•angaha.
Hailakandi a•jao donggipa Daamcherra Inner Line Reserve Forest-ni 44 hectare mangni gita a•ako gipin kamna jakkala ine apsan dake matnangako man•gipa, M. K. Yadava-ba ia Geleky-o 28 hectare-rangko gipin kamna jakkalna on•anioba bak dongpagipa ong•a.
MoEFCC-san ia forest ba buringni a•ani bidingo pilak dakna nangni kamrangko ba rai on•aniko dakna gita bil dongengon, ia forest ba buringni a•ako gipin kamna jakkalna on•aniko unomiting ong•gipa PCCF-an dakataha.
NGT-na ku•mikchete segipa lekkao, Yavada, commando battalion camp-ko rikaniara Forest Conservation and Management baksa nangchapgipa kamrangsa ong•a aro unomiting bol pangsakoba uamang den•e gala ba nosto ka•a dongja ine aganchakaniko dakataha.
NGT-ni Eastern Zone Bench-ni Judicial Member Justice B Amit Sthalekar aro Expert Member Dr Arun Kumar Verma, Section 2-ni ning•o Forest (Conservation) Act-ni niamko pe•enba slai gulirang baksana sak 800 sipairangko ma•chakna on•a gita camp-rang, parade ka•chakna biaprang aro slai gona skichakram biaprangko tariani bidingo, Yavada-ni kosako ja•ku de•ani bidingo MoEFCC-ko che•em che•em talate see on•china ge•etaniko on•angaha.
Iani bidingo NGT dol, 2019 bilsio on•gimin ge•etanio Forest (Conservation) Act,1980-ni niamko ja•rikenba, buringni a•ako gipin kamrangna jakkaljachina aro mande dongchakna nokrang rikani ba uandakgipa kamrangna jakkaljachina ine ge•etaniko on•oba ian dakgipa camprang-ko rikna on•ahanina aiao inmananiko parakataha.
Iani gisepon, iandakgipa camp-rangko rikaniara buring bolgrimrangko ripinganio nangchakeama nangchakejawa iako tik ka•na gita Assam-ni PCCF-o bil dongja maina, Section 2 of the Forest (Conservation) Act, 1980-ni ning•o ma•mong sorkarisa iani bidingo jekoba dakna gita bil donga. Ma•mong sorkarini gita iano maming dakeba buringni a•arangko gipin kamna jakkalna gita rai on•ani dongja ine iani bidingo nirok sandianiko dakna seokgimin dolrang u•ina gita man•aha.
Re•anggipa May jani 29 tariko, NGT dolrang, ua biapona re•ange nienba report-ko tarienba affidavit dake tarie on•china gita sak 3 member committee-ko donataha. MoEFCC-ni ning•o Forest ( Conservation) Act-ko nirokenggipa, Forest-ni Additional Director General aro ia case-o nodal officer ong•enggipa, donsogimin somoi gita report-ko on•a ba mesokna gita man•jaha.
Ia NGT bench report-rangko chu•gimik matchote on•china gita MoEFCC-na anti 4-na somoirangko on•dapataha.
Na·simang ia video-koba nina man·gen:
Na·simang iakoba poraina man·gen: NGH-o Oyster Mushroom Cluster-ko CM nokdonggae on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
