Guwahati, Oct 13: Bangladesh a•songoni katnapgipa ine mingako man•aoni bilsidokna sengani ja•man da•o bon•kame, Assam-ni bilsi 50 ong•gipa Dulubi Bibi, Indian Citizenship ba India a•songo songdongkamgipa ine chanako man•aha.

2017 bilsio, Dulubi Bibi-ni biming dingtang dingtang voters’ list-o meligrikjahani gimin Silchar-o donggipa Foreigners Tribunal, uko Bangladesh a•songoni niam gri katnapgipa ine mingenba, uko rim•china gita ge•etaniko on•ahachim. Uandaken police-rang uko, 2018 bilsini April 18 tariko rim•enba Silchar-ni Detention Camp-o donataha.

Supreme Court-ni ge•etaniko man•ani ja•man, 2020 bilsini May jao Dulubi Bibi-ko jamino Detention Centre-oniko watpilaha aro uandaken ua 2023 bilsini May jao, Guwahati High Court-ni raiko ra•biskaaha.

Kachario an•tangni sakkirangko mesoke chegipa ong•ani ja•man 2017 bilsio uko gipin a•songoni katnapgipa ine rai on•gipa apsan membor BK Talukdar-an India a•songni mande ine parakataha.

Indian Citizenship-ko man•pilahani gimin an•tangni kusi ong•aniko parakatengon, “Anga saksa India a•songo atchigipa aro songdongkamgipa ong•genchimoba angko Bangladesh-oni ine chanaha. Angni atchutang ambitangrangan India a•songo songdongkamgipa ong•ode maikai angko Bangladesh-oni ine channa man•aha? Bilsignina anga Silchar Detention Centre-o dongna nangaha indiba da•alo anga Indian Citizenship-ko man•pilahani gimin namen kusi ong•a,” ine Dulubi Bibi parakataha.

Iakoba poraie nina man·gen: M’laya-ni Rajya Sabha MP baksana gipin sak 26 manderang naljoke sokbapila

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub