Dibrugarh, Feb 5: 2-gipa Dibrugarh University Literature Festival (DU Litfest)-ko, novel segiparang, poedo segiparang aro essay segiparangko man•chape, Asia, Africa aro Europe-ni dam 25 a•songrangni ki•tap serakgiparangni dongpaanio an•saobee a•bachengataha.
Ia sal 4-na ong•atanggipa tom•bimonganio, gisikni changa sapani aro dake nianirangko jinmana u•iate on•china gita sak 120 mingsinggipa ki•tap serakgiparangko rimbaaha.
Dibrugarh University and Foundation for Culture, Arts & Literature (FOCAL)-ni gita ia a•song gimikni ki•tap serakgiparangna tom•bimonganiko Assam-ni Salaram jolo re•anggipa bilsio a•bachengataha.
Ia tom•bimonganiko Rang Ghar auditorium-o a•bachengatani salo, bilsi 84 ong•gipa am•sandianina gisiko nanggipa aro ki•tap serakgipa Tete-Michel Kpomassie, Togo, West Africa-oni Greenland-ona an•tangni songreangani bidingo jinmana u•iate on•angaha. Bilsi 8-na uni songreani somoio, ua Greenland-ona sokangna miksonganiko gisiko done European-ni dingtang dingtang a•songrango kam ka•anirangkoba ua janapataha. Ua an•tangni kengni ramarangko re•e niani aro Greenland-o songdongkamgipa manderang baksa uni janggi tangani bidingo uni segipa “An African in Greenland” ingipa ki•tapo seaha.
Ia tom•bimonganio, ki•tap serakgipa, Tete-Michel Kpomassie, “igloo” inon tin•kagimin suriniko tarigipa nok ine chanchisretaniko ua jinmana parakataha. Greenland-o igloo-ni ortoara nok ine mangmangsan ong•aiachim ine aganengon, songregipa sakantikon ku•aganani dingtanggrikaniko gisiko ra•china gita ua ku•pattianiko on•ataha.
Dibrugarh University-ni Vice-Chancellor Prof. Jatin Hazarika, ia manianiko ong•atanina FOCAL aro uni trustee-rangko demittelangaha.
University-ni 60-gipa anniversary-ni somoio iako ong•ata baksana jatni dakbewal rikbewalrangko radogipa National Education Policy 2022 baksa meli ma•gapatanina ua an•tangni kusi ong•aniko parakataha. Una agreba, Multidisciplinary Education and Research University (MERU) ine gital bimung ba gadangko man•an baksana ia bilsio ong•atna sienggipa bang•bea conference-rangni giminba janapataha.
Sahitya Akademi Award-ko man•gipa, Dr. Nagen Saikia, mandeni janggi tanganiara dikdiksanasan ong•aniko u•ina nangchongmotani gimin aganangaha. Una agreba, ua “Waiting for Godot” dakmesokaniko janapenba, maikai dingtang dingtang toromrango Nokgipa Isol-ko mikronchi nikna man•gijagipa bimang ine u•itokachim uni gimin janapangaha.
Sorakarini ning•o kam ka•e neng•takgimin aro FOCAL-ni trustee VB Pyarelal, ia tom•bimonganio 50-na bate session-rango bak ra•china gita didiataha. Ia tom•biminganio gipin mongsonggipa bak ra•anggiparangara jawilwat tarigipa aro Padma Bhushan award man•gipa Jahnu Baruah, ki•tap segipa Dhruba Hazarika, festival-ni coordinator Rahul Jain aro university-ni Registrar Paramananda Sonowal-koba man•chapa. Una agreba, jamano dam 5 biaprango ming 7 ki•tap seani bidingo session-rangkoba ong•atangaha. Skanggipa session-o Africa-ni dakbewal rikbewal, manderang aro ki•tap seani bidingo gisikko on•bate “It’s Time for Africa”-ko dakangaha. Ia tom•bimongani katta bichongara, “Africa” ong•ani gimin adita Africa-ni ki•tap serakgiparangba iano dongpae bak ra•angpaaha.
Africa-ni dakbewal rikbewalrang aro technology-ko mesoke, Dibrugarh University-ni chatro chatrirang aro skigiparang Africa-ni bidingo ge•sa jawilwatko tariaha. Ia tom•bimonganiko, Africa-ni chatro chatrirangni an•saobegipa dakmesokanichi matchotataha.
Na·simang ia video-koba nina man·gen:
Na·simang iakoba poraina man·gen: Bike-rango GPS-ko chatchina Jowai MLA didia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
