Guwahati, Jan 6: Bharatiya Janata Party (BJP) Jalukbari Mandal president Kamal Dey-ni manggisiko Sombar pringo, Maligaon, Pandu-ni Shankar Nagar jolo donggipa uni nok sambaoniko man•aha. Dey-ni mata bu•a donggipa manggisiko Sombar pringo, re•rame roenggipa manderangsa nikchengaha aro ja•mano police-rangna kobor on•ataha.
Uni manggisiko man•a bakan uko Swagat Super Speciality Surgical Institute-ona ra•angahachim indiba hospital-ona sokangon uko siaha ine doctor-rang parakataha.
Ja•mano uni manggisiko post mortem ka•na gita Gauhati Medical College & Hospital (GMCH)-ona watatskaaha.
BJP-ni dilgipako Robibar walo, uni nokona re•bapilengmiting somoi saobarangsa so•otahakon ine chanchichipani ong•katahachim indiba ja•mano City Police Commissioner Partha Sarathi Mahanta, a•sel ong•gipa biapko nieani ja•man, uni siani a•selko dingtangesa mesokenga ine parakatskaaha.
Mahanta-ni aganani gitade, Sombar pringni 2:47 bajimango speed breaker-o a•sel ong•anichisa ua saknaako man•aha ine CCTV-o mesokahachim indiba Dey-ko saobarangsa so•otakon ine chanchichipanirang dongkuengani gimin ia a•selni bidingo am•sandina gita Criminal Investigation Department (CID) aro Forensic dolrangko okamataha.
Na·simang ia video-koba nina man·gen:
Na·simang iakoba poraina man·gen: W’nagar-ni Dawa Nengkatok Bazar-ko wa•al kama
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
