Guwahati, June 1 : Assam-o chi bana re•ani skanggipa bako sak 8 manderang janggitangko gimaataha aro dam 11 a•jani lakh 3.4 mangna batpilen manderang biaptangtangko wate katna nangao ga•akaha.
Assam State Disaster Management Authority (ASDMA), a•doko chi banani ong•angkunaba donga ine jajrenganiko parakatengon, aro gipin sak 6 manderangni janggirang gimaataiaha inenba sukrobar salo parakataha.
Ia ong•enggipa obostani somoio man•a dipet duko ga•akenggiparangna cha•a ringani aro bang•a manderangko apjitatna man•a gita, a•dok sorkari dam 148 relief camp-rang baksana dam 39 distribution centre-rangko donataha.
Ia chi bana re•anio, Assam a•dokni Cachar a•jan bang•bate nangchakeako man•batgipa ong•aha, jeon sak lakh 1.2 mangni gita manderang nokgri jamgri ong•tokaha. Gipin nangchakeako man•kalgipa biaprangara Nagaon aro Hojai biaprang ong•a, jeon sak hajal 10 mangni gita manderang chi ditdoba•roroani a•sel neng•nikanirangko man•enga.
An•o donggipa ma•giparang baksana bi•sarangko man•chape chu•gimik sak 28,000 manderang ua camp-rango da•o ma•chake dongenga.
Lakh 10-na batpilen jilla ka•anirang nangchakeako man•an baksana nok te 100-na batpilen nosto ong•atako man•tokaha.
Bang•bea a•jarangni sorokrangan chi riptokahani a•sel nosto ong•atako man•tokaha aro nanggipa bosturangko salanggipa aro nangchongmotgipa sanna bannaniko on•a re•anggiparangna neng•nikanirangko ra•baaha.
Naljokatgipa dolrang, sak 615 manderangko naljokatna git man•aha. Ia chi bananio chirang ta•rake su•pekeani a•sel bang•a sorokrangkosan ong•aigija dam 3 chi ban kagiparangkoba man•pakangaha, iani gisepon songjinmao chi bana re•ani koborrangko Kamrup, Cahar aro Jorhat a•jarangoniko man•soaha.
Prime Minister Narendra Modi, Assam a•dokna ia neng•nikani somoio ma•mong sorkarini gita dakchakanirangko sokatgen ine ka•donganiko on•atan baksana, Union Home Minister Amit Shah-ba a•dokni Skotong Minister Himanta Biswa Sarma baksa ia ong•enggipa obostani gimin phone-o agan-golpoatskaaha.
Na·simang ia video-koba nina man·gen:
Na·simang iakoba poraina man·gen: Khyndailad-o MTC-ni project-ko Dhar nirokea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
