Shillong, April 25: Meghalaya a·dokni film tarigipa Pradeep Khurbah 47th gipa Moscow International Film festival-o nambatsranggipa jawilwat (Film) aro nambatsranggipa director ine uni jawilwat (Film) “Ha Lyngkha Bneng”-na seokako man·e namen niksengako man·enga.
Namnambegipa golporangko jawilwatni bimango tarie ua India a·song aro an·ching Salgro-Salaramko namen mikkim gnangatbeaha.
Ia jawilwatko indakgipa gadangona sokgen ine anga chanchisoa dongja, indiba da·alo ia indakgipa gadangona sokpaanina anga namen kusi ong·beenga. Ka Lyngkha Bneng da·alo indakgipa mingnama awardko man·anichi angni niksamsoanirang chu·sokna man·aha indiba namatna nanganirang dongkuenga ine Khurbah social mediarango seataha.
Uni filmko nambatsranggipa ine seokaniara ching gita a·brini manderangko a·gilsakna mesokna chol on·paanisa ong·a ine ua program ong·atgiparangko mittelpilskae aganaha.
Khurbah uni man·gimin mingnama awardko uni jawilwato kam ka·gipa dolrangna on·kangaha. Jawilwatko chu·sokgipa ong·atna, bilchi, jakchi aro tangka paisachi dakchakgrimgipa sakantikon ua mittelpilskae aganaha.
“Ia mingnama man·anirang Meghalaya a·dok gimiknan ong·china. Joltangni aro mandetangrangni tarienggipa jawilwatrangko an·ching ra·dona, dakchakna aro didigrikna nangchongmota. Ia angni mingnama man·anirang angnisan aro Ha Lyngkha Bneng nisan ong·aija ian nang·niba bak ong·paa” ine Khurbah uni awardrangko Meghalaya a•dokni manderangna on·kange aganaha.
Na·simang ia video-koba nina man·gen:
Na·simang iakoba poraina man·gen: NEHU-ni professor-ko office ning·ao kragija dake doka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
