Guwahati, Aug 14: Assam a·doko man·batgipa grong ge·sangipa gonduko sikar ka·srukgipa saksa, Assam-ni Chirang district-o mija Robibar salo police-ni jakchi so·ota man·aha aro goa man·e sianggipa mandeko Noweswar Basumatary ine ma·sina man·aha ine koboro parakataha.
Iani bidingo saksa police official-ni koborna aganatani gita, gondu sikar ka·gipa Noweswar Basumatary baksana gipin sikar ka·gipa Biren Narzary, Nal Bahadur Magar-maangko Sonibar salo rim·ahachim aro rim·ani ja·man uamango sing·rikkiaton, Manas National Park-ni ning·o uamangni slairangko dape dona donganiko Noweswar parakaha, uandake dolsa police aro forester-rang baksa park-ni badiaba biapo donnue dongipa slairangko sandina gita re·angon, Noweswar Basumatary, uni mikkangni bol pangsao donggipa attechi police-rangko rang·san chadrapaha, jenan police dol an·tangtangko naljokatna uko slaichi goaha aro gulli nange jokkom ong·ani ja·manosa doctorrang uni sianiko parakaha ine official agan-talataha.
Ia sakgittam sikar ka·giparangko mija August 12 tariko, Forest Department of Assam’s Chirang district-ni forest department aro Wildlife Crime Control Bureau (WCCB) nangrime sandiataniko dakenba Amguri police station-ni ning·ogipa India aro Bhutan-ni sima jolo donggipa Jalukani-oniko rim·aha aro uamangoniko jaktangchi tarigipa bolsa pistol, adita gullirang, gondu bigil aro gonduni ja·parangko sekaha.
Iakoba poraie nina man·gen: Tura Runner’s Club-ni manderang, club-ko songchengani salko gisik ra·na Chandmari kal·chakramko rongtalatanga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
