Guwahati, Dec 19: Budbar salo, Congress dolni, Guwahati songjinmao donggipa Raj Bhawan mikkango, BJP sorkariko jegale jingjengatengmiting somoio journalist ba kobor ra•timgiparangko police-rangni tear gas godapanina Gauhati Press Club (GPC)-ni membor-rang, Ambari-o jegalgrimtokaha.

Kam ka•enggipa journalist-rangko police-rangni tear gas godapanina jegalatengon, journalist-rangko chel•chakna gita Journalist Safety Act-ko ra•gatchina GPC dabiangaha.

Police-rangni tear gas-rangko godapaniara kamtangtangko ka•enggipa journalist-rangko nisan ka•e godapani gitasa ong•aha ine janapatengon, jingjengatenggipa manderangko warachakanio police-rang dongimin niamrangko ja•rikjaha ine GPC-ni president Sushmita Goswami matnangataha.

Mikkangchi journalist-rang iandakgipa obostarangko chagrongna nangjana gita Journalist Safety Act-ko ra•gatna nangchongmota ineba GPC-ni president dabiangaha.

Budbar salo, Congress dolni Modi sorkariko jegale jingjengatengmiting somoio police-rangni tear goanichi Congress dolna kam ka•enggipa Mridul Islam so•otako man•na nangaha aro journalist-rangoniba aditan saknaanirangko man•na nangahachim.

Na·simang ia video-koba nina man·gen:

Na·simang iakoba poraina man·gen: Amit Shah-ni re•baanina India-Bangladesh sima ario chel•chaksogipa dolrangko bang•en rakkia

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub