Agartala, Dec 19: Home Minister Amit Shah-ni, Tripura a•doko ong•atenggipa North Eastern Council (NEC)-ni chang 72-gipa plenary session-o bak ra•na gita re•baengani gimin, India-Bangladesh sima ari jolo aro a•dok gimikon chel•chaksoenggipa dolrangko bang•en tarisamsoe donsoaha.
Ua December 20 tariko Tripura a•dokona sokbagen aro ian uni sal gittam mangna songrebaengani ong•a aro ia songreanio ua Dhalai a•jao donggipa Reang Tribal Settlement Camp-onaba re•ange nianiko dakanggen.
Indake, NEC plenary session-ko ong•atna skang, Tripura-ni Chief Secretary J. K. Sinha-ni dilanichi, dingtang dingtang mongsonggipa official-rang sima ari jolrangko aro a•doko chel•chaksoenggipa dolrangko nirokangaha aro ia tom•anio, India-Bangladesh sima arirango ong•enggipa obostarangko BSF doloni sal wal nirokama nirokjaenga, niam napsrukbagipa denggu manderangko, ganja ge•anirangko nisigalna, sima ari jolo songdong a•chaenggipa manderangko naljokatani aro border fencing kanasiengon uamangko gipin biapona apjitani, rama sorokrang, border outpost-rangna bijoliko sokatani aro a•ani bidingo kajia nanggrikenggiparangni bidingo ning•tue chanchirimaniko dakangaha ine Border Security Force(BSF)-ni ku•wattimgipa aganaha.
Indake ong•engon, Tripura-ni Governor N. Indrasena Reddy, Tripura a•dokni tom•tomaninina aro naljokanina BSF dolrangni krenge kamtangtangko ka•enganina mitelpilskaaniko dakangan baksa, a•dokni dingtang dingtang dolrang aro BSF dolrang baksa nangrime kam ka•na nangchongmotengani gimin ba ua janapangaha.
Na·simang ia video-koba nina man·gen:
Na·simang iakoba poraina man·gen: 2025 bilsi ja•man Pope Francis India-ona wenbagen: Cardinal George Jacob Koovakad
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
