Shillong, Jul 27: Meghalaya a•doko electric vehicle ba bijolini garirangko jakkalchina didina dingtang dingtang man•gnirangko mesoke Sombar salo, Meghalaya Cabinet, Meghalaya Electric Vehicle (EV) Policy 2026-ko ra•chakangaha.
Power department-o Chief Technical Advisor-ko songani aro mongsonggipa transmission line project-na ra•gipa a•ani tangka paisarangko gamani baksana dingtang dingtang kamrangkoba Cabinet ra•chakangaha.
Cabinet tom•a matchotani ja•man kobor ra•timgiparangna talate on•angengon, bijolini gariko bregipa mande sakantinan gong 25,000-ko on•na aro gariko register ka•anio nanggipa kajinarangko watna sorkari ra•chakangaha ine a•dokni Cabinet Minister Marcuise N Marak parakataha.
Power department-o Meghalaya Energy Corporation Limited (MeECL)-ni gitcham Chief Engineer (Civil) BM War-ko Chief Technical Advisor dake songangkuanikoba Cabinet ra•chakangaha ine Marak aganaha.
Una agreba, a•doko mingsa mongsonggipa transmission line project-na a•ako breanio gong crore 22.37-koba gamna gita ia tom•anio Cabinet ra•chakangaha ine Minister parakataha.
Na·simang iakoba nina man·gen:
Na·simang iakoba poraina man·gen: IIM Shillong-o, Kalam-ni namgipa dakbewalrang da·oba manderangna didianiko on·engkua
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
