Tura, Jul 28: Mongolbar salo, Tura-ni Chandmary-o donggipa Government Boys’ Higher Secondary School-ni kal·chakramo ong·atanggipa Tura Football League (TFL) 2026-27 Second Division-ni semi-final-o Chada United Sports Association (CUSA) aro Seltang FC, cheaniko man·e final-ona doangaha.
Skanggipa semi-final kal·anio, CUSA 4-1-chi Chitoktak FC-ko amataha. Irish Marak, CUSA dolna goal 2-ko chipe on·ani gisepon, Balsan Sangma aro Donabal Marak-ba goal prakko chipe on·angskaaha. Chitoktak FC-oni Donebi S. Sangma, goal 1-ko chipna man·aiaha.
2-gipa semi-final kal·susaanio, Seltang FC-ni Kennybirth Marak-ni rong 3 goal-rangko chipa baksana, Niksam N. Sangma aro Lambai Sangma-ni goalprak chipe on·achi chu·gimik 5-0 score-rangko man·enba, Dakopgre Youth Sports and Cultural Club-ko amchepataha.
2-gipa kal·susaanio, Skotong Minister Conrad K. Sangma, GBHSS-ni football turf aro gipin namgnirangko mamingba u·iatsoa gri re·ange nianiko dakangaha. Ua nambata bari kaani baksana asongchake nina gallery stand-rangko tarina nangani gimin Tura District Football Association (DFA)-ni official-rang baksa chanchirimaniko dakangenba, kal·chakramko namdapatna ka·dongatanikoba on·angaha.
Da·alni semi-final-o CUSA and Seltang FC cheaniko man·e Second Division-ni final-o kal·angskagen. TFL-ko ong·atgipa dolrang, First Division aro Second Division-ni final-ko ia apsan kal·chakramon re·baenggipa August jani 6 tariko ong·atanggen ine parakataha.
Also Read: Assam-M’laya simani Boko jolo dolgni nanggrika
Also Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
