Guwahati, Mar 4: Ia bilsini Lok Sabha election-o Bharatiya Janata Party (BJP)-chi dilenggipa National Democratic Alliance (NDA)-ni dolrangan, Assam-ni pilak dam 14 Lok Sabha seat-rangko chegopgen ine Assam BJP-ni president Bhabesh Kalita a·kangataha.
Kalita-ni aganani gitade, Assam-ni dam 11 parliamentary seat-rangkode BJP-an chegopaigen aro bangki damgittam seat-rangko NDA-o bakrimenggipa dolrang cheskanaba gnang.
Assam-ni pilak dam 11 constituency-rangnan BJP-ni candidate-rangko parakatmanaha aro uamang pilakan an·tangtangni seat-rangko chena gita ka·dongtokenga.
Assam a·dokosan ong·aigija a·song gimikon Congress dol bilgriahani gimin election-o BJP-na cholrang nambataha ineba Kalita aganaha.
Dhubri constituency-o da·o ong·enggipa MP Badruddin Ajmal-ni kamrango manderang kusi ong·tokjahani gimin ia chang Dhubri constituency-o Ason Gana Parishad (AGP)-na cholrang nambatskaengaha ineba Assam BJP-ni president aganaha.
Na·simang iakoba poraie nina man·gen: Lok Sabha election-o seat damgniko chegen ine BPF-ni dilgipa a·kanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
