Tinsukia, Jan 28: Re•anggipa January-ni 26 tariko Assam a•dokni Tinsukia a•jao donggipa Skyland Resort Guijan-o mande saksa paraglider-oni ga•akone siangna nangahani gimin ia a•selni bidingo magisterial inquiry-ko dakchina gita Tinsukia a•jani Additional District Magistrate Monjit Borkakoti ge•etaniko on•angaha.

Ia a•selni bidingo am•sandianirangko dakchina ge•etaniko on•angengon, dingtang dingtang biaprango donggipa Skyland Resort-o mandena naljokaniko on•na gita mai dakgipa cholrang donga, ukoba am•sanchina gita ge•etangaha.

Re•anggipa January 26 tariko, Lakhimpur a•jani bilsi 35 ong•gipa Pankaj Gogoi, Skyland Resort-o paraglider-oni ga•ake siangna gita nangahachim.