Guwahati, Apr 18: 2019-20 bilsio Assam police constable-ni kamna dorgasto galgipa ritchani ritcha candidate-rang, Sombar salo Guwahati songjinmao jingjengatanirangko dakangaha. Ia kamna dorgasto galgipa candidate-rangni result-ko da•onan parakchipkujaengani gimin ia candidate-rang, Assam police-ni kosako jegale, jingjengatanirangko dakangahachim.

Ia candidate-rangni Assam police-ko jegale, Assam-ni DGP office-ko chadrapna gita re•angengmiting somoio mitam candidate-rangkode police-rang rim•aha.

Koborko on•ani gitade, Assam Police-o armed, unarmed, home guards, radio communications, fire & emergency service aro uandakgipa constable-rangni gimik ge 9,171 kamrangna sak 1,80,622 candidate-rang dorgastoko galahachim indiba ia candidate-rangnib result-rangko da•onan parakkujaengani gimin Sombar salo ia candidate-rang, Assam Police-ni kosako jegalanirangko dakangtokahachim.

Ia kamni result-ko April 26 tarikna skangan parakna nanga ineba candidate-rang dabitokenga.