Guwahati, May 23: Assam a•dokni Lakhimpur a•jao donggipa Khelmati Police Outpost-o mobile cha•ua ine potchipenba police-rangni rim•gipa mande saksa police-rangni ning•o siangani ja•man songni manderang ka•a ding•chaoenba, police station a•palo chrik a•bokanirangko dakangtokaha aro police-rangni garirangko ro•ongrangchi gogrimtokaha.
Koborko man•soani gitade, Lakhimpur a•jao donggipa South Chandmari-ni bilsi 42 ong•gipa Arsabh Ali-ko police-rang, mobile cha•ua ine potchipenba rim•ahachim indiba rasong grie ua police-rangni ning•o donako man•engmitingo siangskaahachim.
Ia mandeni iandake siangani ja•man uni nokdangni manderang, police-rangsa uko doke siataha ine matnangenba, songni manderang baksa police-rangko chadrapeskaaha aro Khelmati police station a•palo adita so•sojengjeng ong•anirangko nikna gita man•angaha.
Iani bidingo Assam a•dokni Director General of Police (DGP) GP Singh, dingtangmancha jakgitele sandirokanirangko dakna gita ge•etaniko on•angaha aro ia mandeni siahani gimin Khelmati police outpost-ni police officer In-Charge (IC) baksana sentry guard sakgniko suspend ba kamoniko dontongataha.
Na·simang ia video-koba nina man·gen:
Na·simang iakoba poraina man·gen: A•dokni film tarigiparangko tang•doatani bidingo A•dok sorkari tom•e chanchirimanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
