25.7 C
Tura
spot_img

A•dokni film tarigiparangko tang•doatani bidingo A•dok sorkari tom•e chanchirimanga

Must read

Shillong, May 22: Budhbar salo, Government of Meghalaya, Information & Public Relations Department-ni Commissioner aro Secretary, Vijay Kumar Mantri, IAS, a•dokni niksengbegipa film tarigiparang, jekai, Dominic Sangma, Pradip Kurbha, Commander Shangpliang, Section Syimlieh, Simi Khongthiang aro gipinrang baksa, Shillong-ni DIPR Office Complex-ni Conference Room-o tom•e chanchirimaniko dakangaha.

Advertisement

Ia tom•aniko, film tarigiparangni neng•nikanirangni bidingo aro uamangni nangnikanirangko u•ina man•a gita ong•atangaha. Film tarigiparangni neng•nikanirangko namdapatna gita Film Policy-ko, Information & Public Relations Department-ni gita a•bachengate on•anggen ine tom•anio parakataha. Ia policy-o, a•dokni film tarigiparangna dakchakaniko on•a mangsongasan ong•aigija, a•dok nalsaoni film tarigiparangko miknapatna aro uamangni project-rango bak ra•pana man•a gita a•dokni film tarigiparangna shooting ka•ani namgipa cholrangkoba on•anggen aro a•dokni film industry-ko tang•doatna, uamangni tarigimin film-rangko a•dokni, a•songni aro gipin a•songni gadangrango chong•motan international gadango mesoknaba cholko on•aniko dakanggen. Unbaksana, a•doko songdongenggipa manderangni gisepo jatni dakbewalrangko tarigimin film-rangko tang•doatna ja•kukoba de•anggen, jekai, school aro College-rango Film Club-rangko a•bachengatani giminba chanchirimaniko dakangaha.

Advertisement

Indake, Commissioner & Secretary, film tarigiparangko dolsan ong•e ku•cholsan bakrime kam ka•china aro sorkarini on•enggipa scheme-rangko aro Information & Broadcasting Ministry aro gipin dolrangni on•enggipa cholrangko ra•china didiangaha.

Unbaksana, film industry-ko tang•doatenggipa Single Window-ni bidingoba ua talate on•angan baksa a•doko tarigipa film-rangko tang•doatani dingtang dingtang cholrangko jekai, theatre ba cinema hall-rangkoba film-rangko mesokchakna tarianggen ine parakataha.

Una agreba, film tarigiminko release ka•na am•engon, uani bidingo manderangna u•iatchengani aro Campaign-rangko ong•atna nangchongmotani giminba ua janapataha.

Na·simang ia video-koba nina man·gen:

Na·simang iakoba poraina man·gen: Eepakhon-ni Dorbar Pyllun dol hajira ka•gipa gipin jatrangko a•rikgalatna tik ka•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

spot_img

More articles

spot_img
-->

Latest article