Dibrugarh, Nov 20: Robibar salo, Assam a·dokni Dibrugarh a·jao donggipa Chowkidinghee jolo, gari bolsa, skatang salbae mande sakdokko saldape a·sel ong·ani ja·man Jalan cha bagano kam ka·enggipa ritchani ritcha manderang ka·a ding·chaoenba, Thana Chariali ramako kontasana champengataha.
Kobor on·timgiparangni u·iatani gitade, ia gariara AS-06W 7989 nombor donggipa Hyundai i-20 gari ong·achim aro ia a·sel ong·anio bilsi 55 ong·gipa me·chikma saksa, jekon Labanya Tanti ine mingachim, siangna gita nangaha aro gipinrangba saknaanirangko man·tokaha.
Ia a·selni bidingo Assam-ni police-rang, garini driver Sashi Agarwal minggipa mandeko rim·aha.
“Ia Hyundari i-20 gari nangana bate ta·rakdugae re·baenba, ramao park ka·e donenggipa Maruti Omni gariko su·gakechengaha aro ja·man ia gari, ram agita ja·achi re·angenggipa sakdok manderangkoba saldapaha. A·sel ong·anio saknaa man·gipa sakdok manderangko hospital-ona ra·angahachim indiba uamangoni saksade Sombar pringo siangaha,” ine kobor on·timgipa manderang parakataha.
A·sel ong·anio saknaa man·gipa manderangara, bilsi 55 ong·gipa Junali Tanti, bilsi 40 ong·gipa Mina Bawari, bilsi 52 ong·gipa Monju Saikai, bilsi 65 ong·gipa Adhir Dey aro bilsi 5 ong·gipa Samir Goriak ong·achim.
Ramarango nangana bate ta·rakdugae salenggipa gari gorarangko nambate nirok sandichina gitaba Jalan cha bagano kam ka·enggipa manderang dabiangtokaha.
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
