Dibrugarh, Sep 08: Assam Pradesh Congress Committee (APCC)-ni president Bhupen Borah, Assam a•doko ru•uta somoirangna songdong a•chakamenggipa jat 6-rangko Schedule Tribe-o chapdimatna man•jaenganina, Sonibar salo BJP sorkarini kosako matnangataha.
Assam a•doko Congress dolni bilo ong•e sorkariko chalaiengmitingon, ia ming 6 jatrangko ST-o chapdimatna kamrangko ka•baahachim, indake ong•genchimoba, da•alo Himanta Biswa Sarma, uamangkosa bikpil matnangskaenga ine Dibrugarh-o press conference-ko ong•atanio Bhupen Borah aganaha.
Iani bidingo BJP dolni chugipa gadangni dilgiparang baksa agangrikahachim, indiba maming namgnian dongjaha aro batesa uamangko matnangpangpilskaenga. Chong•mot kattade, BJP dolrang ia jatrangko ST-o chapdimnan nangnikjaenga ineba Borah agandapaataha.
“Bilsi 9-na skang mangmang, BJP dol sorkari rikgenchimode, sal 100-ni gisepon ia jatrangko ST-o chapdimatgen ine PM Modi Parliamentary Election-o aganman•ahachim, indiba da•alo uamang ma•mongo aro a•dokoba sorkariko rikenggiparang ong•genchimoba ia jatrangko ST-o chapdimatna man•kujaenga. Congress dol, ia jatrang Assam a•doko ru•uta somoirangna songdong a•chakamgiparang ong•ani gimin uamangko Schedule Tribe ine channako man•atna ska” ine Nagaon MP Pradyut Bordoloi aganaha.
Skotong Minister Himanta Sarma, an•tangko Hindu toromni dilgipa ine changipa ong•a indiba ia jatrangko ST ine channa mangmangba sikja ine aganan baksa ia jatrangko ST-o chapdimatna nangchongmota maina uamang man•a kragiparang ong•a ineba ua janapataha.
Unbaksana, ia ming 6 jatrang ST ine channako man•a gita janapgipa ming 5 criteria-rangon ga•akgipa ong•a inen Ma•mong sorkariba nikahachim.
2019 bilsio, ia jatrangko Assam-ni ST list-o chapatako man•a gita National Commission for Scheduled Tribes(NCST)-ni gitaba ra•chakman•aha.
Na·simang ia video-koba nina man·gen:
Na·simang iakoba poraina man·gen: Dhing-o bilsi 14 ong•kuenggipa me•chik bi•sako jinma til•ekdraanio jak donggipa sak 2-ko rim•taia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
