Guwahat, April 23: Assam Dibrugarh-ni ning•o donggipa NH37-o sorok a•sel ong•anio, ma•gipa saksa aro uni bilsi 3-san ong•kuenggipa deme•chik janggitangko gimaataha. Uamang para ra•gipa WagonR gario Guwahati-oni Khumtai-ona re•bapilmiting somoio uamangni nok sokna skang km 5 mangni chelao Jhalam minggipa biapo truck baksa chatinggrikaha jean Moran Police Station-ni ning•o ga•aka.
Sianggipa ma•gipa, Dibrugarh-ni Khumtai police station-o ga•akgipa Seujpur songni Boby Aktar ong•a jean a•sel ong•gipa a•damon janggi galaiaha, indake demechikgipako sepangbatgipa hospital-ona sanna bannaniko dakna rim•angengachim indiba ua rasonggrie saknaa amja•e ramaon janggi galaiaha. Indake gari saltimgipa mandede adita mata buanirangkosan man•aiaha.
WagonR-ni registration number-ara AS 01 QC 3813 aro Truck-ni registration number-ara HR 58 D 6757 ong•a. “Anga a•sel ong•aoni naljokna gita jotton ka•ahaoba, angni garini jakasichipak truck nangeaiaha indake, Akhter-ni rimbitgipa a•chak mangbrioni mangsade saknaa man•e siaiaha” ine gari saltimgipa u•iataha.
Moran-ni police dolrang ia a•sel ong•ani bidingo am•sandie nianirangko abachengataha.
Assam-o ong•enggipa pilak rama a•sel ong•anirang bang•batan ia bostu salruragipa daldalgipa truck-rangni a•sel ong•enga. Ia indakgipa truck-rang pangnan nosto ong•ako man•e ba maiba nengnikani a•sel ramarango dondikatgen jean gipin garirangna namgijaniko ra•baskaa. Mikkangchi iandakgipa a•selrangoni naljokna man•a gita bostu salruragipa daldalgipa truck-rangko somoi gita re•ruraatchina aro gari-o maiba nengnikanirang dongode uni sambarango mikrakatani chinrangko on•a ba tarina nangarangko tarie jakkalanirangko dakna gita authority-rang ge•etanirangko on•a nangchongmota.
Na·simang ia video-koba nina man·gen:
Na·simang iakoba poraina man·gen: Lok Sabha election-ni gnigipa bakna political dolrang Nagaon-o campaign ka•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
