Guwahati, Apr 23: Lok Sabha election-ni skanggipa bak re•anggipa April 19 tariko matchotangani ja•man da•o Assam a•doko Lok Sabha election-ni gnigipa bakna political dolrang, Nagaon Lok Sabha constituency-o campaign ka•angskaaha.
Nagaon aro Karimganj Lok Sabha constituency-rangara, Muslim bang•batgipa constituency-rang ong•ani gimin dingtang dingtang political dolrang, Muslim-rangni vote-ko salna gita ia Lok Sabha election-ni gnigipa bako ia constituency damgnionin campaign ka•na a•bachengtokaha.
Nagaon aro Karimganj Lok Sabha constituency-rango BJP, Congress aro All India United Democratic Front (AIUDF) dolrangni gisepo susagrikna siengon, ia constituency-rango BJP-ba Muslim-rangni vote-ko salna rakbee kamrangko ka•skaengaha.
Nagaon Lok Sabha constituency-o BJP dol, adita salrangna skang Congress dolko watanggipa Suresh Bora-ko susaatenga aro Congress dolara da•o ong•enggipa MP Pradyut Bordoloi-ko susaatskaenga.
Nagaon constituency-o AIUDF dolba MLA Aminul Islam-ko susaatenga aro AIUDF dolara Bengal Muslim-rangni chakpaaniko man•enggipa dol ong•ani gimin ian party-naba ka•dongani ong•enga.
Nagaon Lok Sabha constituency-ni Dhing jolo election campaign ka•angani ja•man kobor ra•timgipa manderang baksa agangrikengon, BJP aro AIUDF dolrangara apsan dolonin ong•a aro ia dolrang Muslim-rangni vote-rangko pripraatna miksongenga ine Assam Pradesh Congress Committee-ni president Bhupen Kumar Borah parakataha.
BJP sorkarini ning•o a•songni niam bidikna kenchakna nangani ong•engani gimin ia bilsiode a•songni manderang, ma•mongo INDIA bloc-ko sorkari rikna on•gnok ineba ua aganaha.
Na·simang ia video-koba nina man·gen:
Na·simang iakoba poraina man·gen: Rongmil-o sakgittam-ko so•otaniko CM Conrad jegalata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
