Tura, Jun 26: Tura Football League-ni brigipa salo, Second Division-ni robol kal·susaanirangko ong·atanio, Chitoktak YC aro Ashugre SYC chegipa ong·aha.
Skanggipa kal·susaaniko, Chitoktak YC aro Mrigre SWC-ni gisepo kal·angaha aro ia kal·susaanio, Chitoktak YC, goal 4-0-chi Mrigre SWC-ko cheangaha. Chitoktak YC-na Tangkam goal gittamko aro Donebi, goal-sako chipe on·aha.
Gnigipa kal·susaanio, Ashugre Seltang FC aro Dilneng Sports CC-ni gisepo kal·angskaaha aro ia kal·susaanio Ashugre FC, goal 8-goal 2-chi Dilneng Sports CC-ko amchepataha.
Ashugre FC-na Mohandas Ch Sangma, goal 6-ko, Cherniko M Sangma, goal-sako aro Jagrang R Marak, goal-sako chipe on·aha aro Dilneng Sports CC-na Bentick Ch Momin, goal-gniko chipe on·skaaha.
Sonibar salo, Sampalgre YC, Diganggre S&SC baksa kal·anggen aro Ganolgre SYC, Sadolpara YCC baksa kal·angskagen.
Ia apsan salon, Tura Football League-ni ning·o First Division-ni skanggipa kal·susaanikoba ong·atanggen aro ia skanggipa kal·susaaniko, Doreng Sporting, Northern United dol baksa kal·anggen.
Na·simang iakoba nina man·gen:
Na·simang iakoba poraina man·gen: WGH police, pekatgipa bosturangko badingsrukani bidingo koborrangko on·a MANAS helpline-ko jakkalchina didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
