Tura, Jun 26: Gnigipa changna ong·atenggipa ‘Tura Challenge’ Inter-Mahari Basketball Tournament-ko Sukrobar salo, Tura-ni Don Bosco College Basketball Court-o a·bachengataha.
Ia Basketball Tournament ba kal·susaaniko, Krimkro Socio Cultural Club, District Sports Office aro Tura District Basketball Association baksa nangrime June 26 tarikoni July 17 tarikona ong·atenga aro ia kal·susaanio, Garo Hills gimikni Mahari dolrang bak ra·enga.
Ia Inter Mahari Basketball Tournament-ko ong·atani bidingo Krimkro Socio Cultural Club-ni president Walseng Ch Sangma, Hub News-na talate on·angengon, dingtang dingtang maharirangni gisepo meli-nangrimaniko ra·bana aro A·chikrangni gisepo bang·en changgipa sapgipa chadamberang dongani gimin, uamangni changa sapanirangko mesokna miksonganio ia kal·susaaniko ong·atenga ine parakataha.
Mikkangchi ia Inter-Mahari Basketball kal·susaani, Garo Hills-o dal·batsranggipa kal·susaanirangoni mingsa ong·e, bang·bata Maharirangkon bak ra·atna aro ku·mong nangrimaniko ra·bana chol ong·gen ineba Sangma, an·tangni ka·dongchakenganiko parakangaha.
Skanggipa salo, Koksi Mahari aro A·gitok Maharini gisepo kal·susaangaha aro ian ia tournament ba kal·susaaniko ga·subee matchotatna gita do·gako oaniba ong·aha.
Ia Inter-Mahari Basketball Tournament-ko ong·atna gita State Bank of India (SBI), Directorate of Sports & Youth Affairs aro A-Care Hospital-ba dakchake on·enga.
Na·simang iakoba nina man·gen:
Na·simang iakoba poraina man·gen: A•dok drugs-ni a•selan neng•nikanirangko man•batatenga: DGP
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
