Guwahati, April 20: Guwahati police, cyber crime-ni bidingo am•sandianiko dakanio, dingtang dingtang cyber financial fraud ba online gita tangka paisa cha•boke cha•anio bak donggipa sakbri manderangko rim•aha. Rim•a mangiparangni bimungrangara West Bengal-ni Dipak Singh, Rupam Goswami, Firoz Khan aro Bihar-ni Shlok Kumar ong•a.
Intelligence dolni koborko man•e, East District aro Guwahati Crime Branch baksa apsan bakrimenba ACP Batistha-ni dilanio ia gangni sakbri manderangko rim•aha. Ia dos dakgipa manderang Bhetapara-o nok para ra•gipao donge kamrangko ka•engachim ine police offical u•iataha.
Una agreba, ia dos dakgipa manderang, “tangka paisani gita nengnikaniko man•giparangni bank account-rangko am•chimongenba, uamangko mikbokatenba uamangni ATM card aro PIN number-rangko on•china ropaniko dakgen. Ia dos dakgipa dolrang, manderangni account-ko jakkalani pal uamangna bangbea tangka paisarangko on•pilskagen ine tolenba, jamano ia account-rangko uamangna u•iatgija financial fraud-ni tangkarangko watrurana jakkalrongachim.”
“Basakoba somoiode uamang, account nokgipa chongmotnan uamangni man•gipa tangkarangniko bak dake on•gen ineba ku•rachakronga,” ineba police officer parakataha.
Am•sandie nianiko dakani somoio, police dolrang ge 12 mobile phone,rang, ge•sa HP laptop aro bang•bea bank-ni debit card-rangkoba man•aha.
Information Technology Act, 2000 Section 66-D-ni niamo pangchake, Cyber police station-o case-rangko se•gataha ine police dol u•iataha.
Na·simang ia video-koba nina man·gen:
Na·simang iakoba poraina man·gen: 2025 bilsini gisepo TB sabisiko gimaatna miksonge “Differentiated TB Care” program-ko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
