Assam, June 9: Assam-ni Director General of Police Pa Bhaskarjyoti Mahanta, dam 10 police stationrango ge·prak me·chik dolrangna dingtangmancha Special Cell-ko a·bachengate on·aha. Ian Dibrugarh-o, Sivasagar-o, Sonitpur-o, Nagaon-o, Kamrup-o, Karbi Anglong-o, Cachar-o, Barpeta-o, Kokrajhar aro Dhubri District-o donggen.
Tata Institute of Social Science Assam sorkari baksa soi ka·grike jekon Police Department-rang jako ra·e ka·enga. Special Cell-ni ning·o skia man·gipa aro changa sapani gnanggipa agankupatigipa aro a·dok sorkari baksa nangarangko kamkagipa dolrangkoba dongen.
Me·chikrangni kosako dosi dakanichi be·enni gita aro gisikni gita neng·nikaniko man·e donenggipa me·chikrangna social worker-rang jemangan niamni gita aro Psychology-o skia man·achim uamang Criminal Justice System (CJM)-ko done kam ka·e on·gen.
Special Cell-ko kulie on·anichi, Assam a·doko me·chikrangni aro bi·sarangni kosako kragija dosi dakanirangko dakgrikchakanio ian dakchakbeani ong·gnok ine Assam DGP Pa B J Mahanta aganaha.
