Shillong, June 9: Mikkarang dontonggija waanganichi Garo Hills-o chirang banenggipa aro a•arang be•dapgipa biaprangko Sukrobar salo, Meghalaya a•dokni Chief Minister Conrad K Sangma nianggen.
Chief Minister-ni parakatani gitade, Garo Hills-o chirang banengani a•sel manderang neng•nikanirangko man•na nangtokengani gimin obostarangko sorkari name nirikkienga aro ia biaprangko ua Sukrobar salo nie ra•anggen.
Mikkarang dontonggija waanganichi West Garo Hills, South West Garo Hills aro South Garo Hills a•jarango chi bananirangko aro a•a be•anirangko nikna man•batenga ineba Sangma parakataha.
Chirang bananichi aro a•arang be•anichi neng•nikanirangko man•enggipa manderangna pilak nanga dakchakanirangko on•china gita sorkari, district administration-na ge•etaniko on•atmanaha ineba Chief Minister parakataha.
Chi bananio mande sakgittam janggitangtangko gimaatna nangaha aro kalimenggipa nokdangrangna sorkari, tangka paisarangko on•e dakchakna ja•kurangko de•aha ineba Chief Minister parakataha.
