Shillong, June 6: Meghalaya a·dok, Bangladesh baksa sima ari man·gipa km 443-oni km 400 mangni gita guare ka·aniko matchotanichi India-ni Border Fencing Program-o skanggipa biapo ong·enga, indake da·o guare ka·na gita km 40-45 rangsan dongaiaha.
Skotong Minister Conrad K Sangma, guare ka·na man·kugijagiparangara mongsongbate jolo man·gipa neng·nikanirang baksana jegalanirangko dakani a·selsa ong·a, rika cho·ani a·sel ong·ja ine aganangaha. Ia guare kaani project-rang matchotangengahani gimin, ian Salgro Salaram jolo, Meghalaya a·dokko sima ari-o guare kaanirang matchotna sigipa a·dokrangoni ge·sa ong·ata ine ua agandapangkuaha.
Ia sima ari-rangara East Khasi Hills, West Khasi Hills, South West Khasi Hills, East Jaintia Hills, South Garo Hills aro South West Garo Hills a·jarang gita napakgipa ong·a.
Meghalaya a·dokni biaprang chubegipa darerara, buringraragipa aro diltugipa songrang ong·genchimoba, a·dok sorkari, Border Security Force (BSF) aro Union Home Minister, ia project-ko chu·sokgipa ong·atna gita kamrangko dondikgija ka·angaha.
BSF-rangni see rakkiani gitade, niamgri napsrukbaani, matchu-rang rim·srukani aro pekatgipa bosturangko badingsrukanirangna jajrengna nangani gimin sima ari-o guare ka·aniara namen nangchongmotgipa ong·aniko mesoka. Batanggimin ja 3-ni gisepo, BSF personnel-rang kror 1.3 damni niamgri badingsrukna ra·anggipa bosturang baksana sak 116 Bangladeshi-rang aro mang 622 matchu-rangko rim·aha jeni daman kror 6 mang ong·gen.
Ia project-ni bon·kamgipa bako a·arangni bidingo, court-o mokordoma aro West Jaintia Hills a·jao songdonggipa manderangni jajrengani a·sel neng·nikanirangko man·enga ine official-rang u·iataha. Ia project matchotahaode, a·song gipin baksa nangdimatgipa sima ari jolrango darerara ong·ani a·sel neng·nikanirangko man·ani kosako chena gita maikai a·dok sorkari, jolo songdonggipa manderang aro chel·chakgipa dolrang kamko ka·ahachim uarangko mesoke on·anggen.
Na·simang iakoba nina man·gen:
Na·simang iakoba poraina man·gen: Nengsangrap Eco Tourism Tura a•bri jareko bol bi•sarangko ge•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
