Jowai, June 6: A•doko cancer sabisi saanirang batrikrikenganina, ia sabiko champengna, simsake dongna aro ia sabisiko saa man•gipa donggenchimode sengnang u•ina man•atnagita, manderangna mikrakataniko on•na, Meghalaya-ni State Cancer Society, Jowai-ni Iawmusiang Seinraj Parking Lot-o cancer awareness programme-ko ong•atangaha.
Ia porgram-o Health-ni Minister, Wailiadmiki Shylla mongsonggipa sokgipa ong•e bak ra•angenba, cancer sabisini gimin mikrakataniko on•na aro sengnang ia sabisi donganiko u•ina mongsonggipa ong•anigimin, aganangan baksana sorkarini, manderangna an•seng baljoke dongna nama bewalrangko ja•rikchina skie on•na aro cancer sabisini kenbegnigipa ong•ani gimin manderangna u•iatna, dingtang dingtang department-rang baksa nangrime kam ka•engani gimin janapangenba, awareness program-rangko songadam nokadam, bazar aro manderangni songdong a•chaenggipa jolrango ong•atchinagita ua agangaha.
A•dokni dingtang dingtang bakrango sorakari, sanchakram biaprangko bilakbatatenga aro health centre-rang, PHCs, CHCs, aro government-ni gita chalaiengipa hospital-rango cancer sabisiko screening ka•e nina aro test-rang ka•na indin on•anirangko baridapataha, ine ua agnangenba, sengnang sana bananiko dakna man•agita , jringna screening-rangko ka•e nirongchina manderangko didiangaha.
Unbaksana bilsi 12 oni 14 ong•gipa me•chik bi•sarangna suenggipa HPV vaccine-ko suatna mongsonggipa ong•ani gimin ua agnangenba ma•a parangko, uamangni derangko ia vaccine-ko suatchina Minister, didiangaha.
Cancer sabisiko sana bananiko dakanio, MHIS scheme-ni ning•o tangka paisanigita gong lak 5-ko on•e dakchakaniko on•enga, unbaksana CM Care Scheme -ba gong lak 2-ko on•dapenga, ine Minister aganangaha.
Bang•bata cancer sabisiko man•giparang food pipe cancer aro ku•sikkni cancer-ko man•bata. Iara tam•makku ringani, gue chobaiani, chu ringani, be•enna namgijagipa cha•anirangko cha•ani be•enrangko ranta ka•a komiani, balwa namgijako rang•sitani aro HPV-sabiniko man•ani a•selrang man•a, ine specialist J. C. A. Lamin, agangaha.
70–80 percent-ni Cancer sabisiko, sengnang sana banaiko dakna man•ode namatpilnagita man•aia, ine Dr. Lamin agnangenba, sabisioni naljoke dongna, jringna screening ko ka•jringchina, nama cha•ani bewalrangko ja•rikchina aro HPV vaccination -ko ra•china gita didiangenba, saa biatini chirangko jekai be•en jrimani komiani, gusukokokani, minokna neng•nikani, ripomanirang dongkamani aro nikrongija tom•dake donganirangko, nikon geljachina gita, manderangna ua ku•pattiangaha.
Na·simang iakoba nina man·gen:
Na·simang iakoba poraina man·gen: Tura veterinary dokkan-oniko tangka cha·ua
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
