Dibrugarh, June 6: Bangladesh aro Assam-o badingchiwalgrikaniko bilakbatatna aro tangka paisanigita tangdororoatna, Guwahati-o Bpangladesh-ni Assistant High Commissioner, Jishul Hasan Farhad, Assam-ni Namrup-o donggipa Petro-Chemicals Limited plant-ko sukrobar salo re•ange nirokaniko dakangaha.
Northeast India baksa Bangladesh-rangni badingchiwalgrikanio, pilaknigita namdaproroenganina, chongmotan bosturangko altue badinggrikna, salrurana man•anina aro bang•a company-rangni apsan nangrime kam ka•aninarang baririkrikenganaina re•ange nirokanirangko dakangaha.
Re•ange nirokaniko dakanio, World Environment Day-ni salko maniani bak dake bol bi•sarangko ge•ange, karkana-rangkoba re•ange nirokaniko dakenba company-ni official-rang baksa golpogrikangaha. Uamang APL-oniko baita man•enga, aro mai gital project-rang donga aro uamangni Bangladesh baksa badingchiwalgrikanio namdaproroengani gimin, una aganangaha.
Tom•anio, Bangladesh-rangna petrochemical-ko watataniko baridapatna, India aro Bangladesh baksa badingchiwalgrikaniko namdapatna cholrangni gimin, company-ni official-rang chanchirimanaganiko dakangaha.
Assam-oni petrochemical-ko Bangladesh ona watatanirang namen baririkrikengaha. 2023 bilsio 300 metric tonnes-kosan watronganoni, 2024-25 bilsio 6,000 metric tonnes- doaha, ine Farhad aganagenba, iara badingchilwalanio tangdorikrikaniko mesokenga, ine ua janapangaha.
Re•baenggipa bilsirango Bangladesh aro Assam-ni gisepo badingchiwalgrikani baririkrikangkugen ine an•tangni ka•dongsoenganiko, Farhad parakanagaha.
Bangladesh aro Northeast India baksa badinggrikanirango tangka paisanigita tangdorikrikenganiko nikna man•enga, ine Expert-rang agnangenba, karkanarang jekai, petrochemicals, cha bijak, cement, food processing, aro energy-o badingchiwlanairang batbatenga ine ua agangaha.
Ia dolgni-ni gisepo ba•dingchiwalanirang namrikrikenganiara, India-ni uamang baksa bading chiwalgriknagita, Salgro salaram jolgita, salrurana man•ate dakchakanirangkoba on•enga.
Na·simang iakoba nina man·gen:
Na·simang iakoba poraina man·gen: SWKH-o chadamberangchi dilenggipa dol biji su·na gong·gijani, kenani aro jajaaniko komiatna awareness program-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
