Guwahati, August 3 : Tourism industry-ko tang•dobatatna ja•ku de•anio a•dok sorkarichi chalaienggipa Assam Tourism Development Corporation (ATDC), Tata Company-ni bipekrang chong•motan, Amalgamated Plantation Private Limited (APPL) aro Indian Hotels Company Limited (IHCL) baksa memorandum of understanding (MoU)-ko Guwahati-o ong•atgipa ge•sa tom•bimonganio Skotong Minister Himanta Biswa Sarma aro Tata Sons-ni Chairman Natarajan Chandrasekaran-ni dongpaanio soi ka•grikangaha.
ATDC-ni managing director Padmani Bora, IHCL-ni CEO Puneet Chhatwal, ADPL-ni MD aro CEO Sukhjeet Singh Malhotra-mang, ia MoU soi ka•aniko dakangaha.
Ia MoU-ni bak gita, crore 120 investment baksana Taj Resort aro Spa-koba iano kulianggen. Uasan ong•aigija, ia MoU-ni ning•o, Amalgamated Plantation Private Limited, Indian Hotels Company Limited baksa nangrimenba, chasong gitalni bewalo hotel-ko Kaziranga-o rikanggen.
Assam sorkarini palo, ATDC ia dal•begipa hotel-ko rikani project-ko rikanio nodal agency gita kamrangko ka•anggen.
Tourism-ko ra•doanio Assam sorkari baksa bakrimanina Tata Group of Companies-ko demittele aganengon, ian a•doko tourism-ko gimikni gitan tang•dobatatna dakchakgnok inenba, Skotong Minister Sarma aganangaha. Iako hotel-ko chu•gimik a•bachengatna man•haon, ia project-ni gita sak 200 manderangna janggi tangani cholko bikote on•asan ong•aijawa indiba, Kaziranga-o ga•sue janggi tanganiko cha•tote nikna gita cholrang ong•gnok inenba Skotong Minister agandapangkuaha.
Assam a•dok minggni dal•dalgipa project-rang chong•motan Jagiroad-o semiconductor unit-na bhumi pujan aro Kaziranga-o 5-star hotel-ko rikna MoU soi ka•aniko nikna gita man•aha, ine aganengon, ian a•doko namroro silroroaniko ra•baanio mongsonggipaba ong•gen ine anga bebe ra•a inenba Skotong Minister agandapangkuaha.
Skotong Minister, a•doko 5-star hotel-ko rikna gita Tata Group-ko mol•molaniko dakengachim, ia MoU-ko soi ka•anichi Kaziranga-o 5-star hotel-ko rikna jumang nikani be•en pil•na siengaha.
Tom•anio aganengon, Tata Sons-ni Chairman Natarajan Chandrasekaran, Assam a•dokko mitelan baksana a•dokni nitoanirang a•gilsako songrena nambatgipa biaprangoni damsa ong•na gita chu•onga gita nika nianirang gnang ine aganangaha. Indian Hotels Company Limited-ni ning•o rikgipa Vivanta hotel-ko Guwahati-ni Taj Hotel-ona tang•doatgen ine ua parakataha. Uasan ong•aigija, Guwahati aro Jagiroad-ni gisepgriko, Tata Group-ni gita Taj Gateway hotel-koba rikanggen ineba parakataha.
Ia tom•anio, Tourism-ni Minister Jayanta Mallbaruah, Handloom and Textile-ni Minister UG Brahma, Labour and Employment-ni Minister Sanjoy Kisan, Chief Secretary Ravi Kota, Principal Secretary (Tourism) JB Ekka, Indian Hotels Company Limited-ni MD and CEO Puneet Chhatwal, Amalgamated Plantation Private Limited -ni MD and CEO Sukhjeet Singh Malhotra, Tata Electronics-ni MD and CEO Randhir Thakur, ATDC-ni MD Padmani Bora baksana gipin chugipa gadango donge kamko ka•enggiparangba iano re•bae bak ra•angpaaha.
Na·simang ia video-koba nina man·gen:
Na·simang iakoba poraina man·gen: Rangdajied United FC dol Group F-o brigipa biapo kal•anggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
