Tripura, August 8: Trinamool Congress dolni State General Secretary Baptu Chakraborty aro adita dal•kalgipa dilgiparangni Congress dolo baprimaniko on•skaanichi Tripura-ni TMC-na dal•bea gimaani aro dolo bilgrianirangko election ong•na skang ra•baani ong•aha.

Robibar salo Congress dolo bakrimaniko on•anichi da•o re•baenggipa 2023 bilsini February jao ong•nasienggipa Assembly election-na, Tripura-o Congress dolan mongsonggipa Opposition dol ong•angskaaha aro uandake election susaanina tarisamsoani kamrangko ka•na sal somoirangko mamung dakeba gimaatna nangnikjaenga ine Chakraborty u•iataha.

Indake ong•engon, Bhowmik-ni BJP dolna bakrimaniko on•na miksonganirangko knasamsoanirangba nadoenga.

TMC dolna neng•nikani sal somoirang sokbaengoba, Chadamberangni State committee aro me•chikmarangni dolko dilenggiparangni bimungrangko parakate kam ka•enganirangko Trinamool Central Committee parakatskaaha.