Shillong, July 18: A·chik a·songni skotong Tura-ko a·dokni gnigipa skotong songchina dabie re·anggipa saloni A·chik Conscious Holistically Integrated Krima (ACHIK) dolrang Tura-o okgimu chake jingjengatengani gisepon, a·dokni cabinet minister Ma Ampareen Lyngdoh, iandakgipa dabianiko ra·chakna kraani ong·jawa maina skangonin a·dokni skotongde Shillong -an ong·baienga ine Mongolbar salo agananganiko nikna gita man·aha.

“A·dokni ning·o ge·gipin skotongko songchina dabianio anga an·tangde knachakaniko nangnike nikja. An·chingni a·doko a·galmak kari, a·rankari, wachi kari aro sin·karini somoi gimikon session-rang gnangode aro pilakchin skotongrangko songramramaiode, sorkarini kamrango mongsonggipakon nikchangskagnok gita anga an·tangde chanchia ine Ma Lyngdoh parakataha.

Beben, Meghalaya a·dokara chel·tanggrikgipa dingtang dingtang district-rang gnanggipa ong·a, iani gisepon winter capital hill ba spring capital-ko songchina darangan dabitokaiode an·chingni Meghalaya a·dok ong·siaona sokangskagnok ineba cabinet minister agandapataha.

Batanggimin somoirango a·dok sorkarini kam ka·anirangni gimin agangenchimode, sorkarini dingtang dingtang kamrangko manderangona sambatatna gitasa ia pilakkon sorkari dakaha ine Ma Lyngdoh aganangenba, a·dokni skotong minister re·baenggipa July 24 tariko Garo Hills-chi wenangani somoio uamang baksa agangrikanggen ineba ua u·iatangjolaha.

Iakoba poraie nina man·gen: Manipur-o tom·tomaniko ra·bapilchina Mirabai Chanu, a·songni Prime Minister-ko mol·molata

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub