Shillong, May 8: A·dokoni pilak git ring·na aro chrokna changgipa-sapgiparangna mingsa namgipa koborko on·atanio, Dancing and Singing Superstar Season I-na audition-ko ong·atenggipao sakantikon bak ra·china okamenganiko Singer and Dancer Association, Meghalaya koborna seachi u·iataha.
Iani bidingo u·iatanganio, audition-ko May-ni 1 tarikoni a·bachengate 31 tarikona kingking ong·atenga aro bakko ra·na sikgiparang, uamangni tarigimin audition clip ba video-ko online gita watatna man·gen aro je bilsini mandeba iano bakko ra·na gita man·aigen ineba janapataha.
Semi-final-ko re·baenggipa June 3 oni June 30 tarikona online ong·atanggen, indake ong·oba, Grand final-kode a·dokni skotong Shillong-o re·baenggipa August 12 tariko stage-o joljol ring·e ba chroke mesokna gita nangskagen ineba association, janapataha.
Ia susaanio bakko ra·e chegiparangna donsoenggipa boksisrangara, chrokao skanggipa ong·gipana gong hajal 50,000, gnigipana gong hajal 30,000, gittamgipana gong hajal 25,000 aro ge 10 Consolation prize-rang donggen, uandaken, git ring·susaanio skanggipa ong·gipana gong hajal 50,000, gnigipana gong hajal 30,000, gittamgipana gong hajal 25,000 aro ge 10 Consolation prize-rang donggen.
Iakoba poraie nina man·gen: A•chik me•tra saksa CTS-o kamko ka•na seokako man•a
