Tura, May 7: A•chik chatrirangoni saksa Ivanna Mikkachi Bazeley Agitok Sangma, Indian Institute of Management-Rohtak (IIM-R)-o Market Strategy aro Organisational Behaviour & Human Resources (OBHR)-ko MBA dake chu•sokgipa ong•na man•aha aro ian uni nokdangnasan ong•aigija Meghalaya a•dok gimiknan mikkim rasongko ra•baaha.

Una convocation-ko re•anggipa jaon dakataha ine kobor on•aha.

OBHR-o MBA-ko matchotani ja•man campus-ni gita recruitment dakanio ba kamna seokanio ua a•gilsak gimiko mingsinggipa Cognizant Technology Solutions (CTS)-o Senior Business Analyst-ni kamna seokakoba man•aha.

Ia CTS-ara a•gilsak gimikni nambatsranggipa Information Technology (IT) company-rangoni skugipa gadangko man•enggipa company ong•engachim.

Iakoba poraie nina man·gen: Manipur-o so·so-jengjengni mamla: Mande sia sak 54 gapanga, ma·mongni watdapatgipa chelchakgipa sipairangko donata