Tripura, June 30: Tripura, Khowai a·jani Krishnapur Assembly Constituency-ni ning·o donggipa diltugipa Nonachhara jolo diarrhoea ine chanchichipenggipa rang·san saani giproroani koborrangko man·soaha. Songni manderangni aganani gitade, namgipa ringani chi-rang dongjani gimin rongtalgijagipa chi-rangko ringna nangani a·sel bang·a manderangan rang·san diarrhoea ba ok re·ani saaniko man·tokaha.
U·iatani gitade, ia diarrhoea man·e nangchakeako man·gipa manderangara bilsi 60 ong·gipa Santosh Kumar Alom, bilsi 5 ja 6 ong·gipa Aldria Molsom, bilsi 12 ong·gipa Misanti Molsom, bilsi 45 ong·gipa Sandami Molsom aro bilsi 26 ong·gipa Poltu Molsom ong·achim. Iani gisepon, bang·a manderangon da·o ia ok re·ani saani chinrangko nikna gita man·engaha ineba songni manderang u·iataha.
Jolo songdonggipa manderangni aganani gitade, Nonachhara Health Sub-Centre-ko ru·uta somoirangna chipe donani a·sel uamangko sepangjolo sana bananiko on·gipa dongtokjaha aro iani a·selan, bang·e sapagija manderangba sana bananiko ra·na gita Teliamura Sub-Divisional Hospital-ona re·angna gita nangengaha. Uamang, Health Department-ko sana bananiko on·gipa dolrangko watatan baksana sagiparangna sana banani, namgipa ringani chi, sam aro ORS-rangko suale on·china aro ta·raken Sub-Centre-ko kulie on·chinaba u·iataha.
Da·o dipet, Health Department aro District Administration, iani bidingo officially mamingba aganchakanirangko on·a dongkujaenga.
Na·simang iakoba nina man·gen:
Na·simang iakoba poraina man·gen: Arunachal-o saksa businessman-ni jikgipako rim•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
