Guwahati, June 30: Arunachal Pradesh-o businessman saksa Rishiraj Borkotoky-ni kosako manderangko tangka togie cha•anini gimin am•sandianiko dakanio police-rang, uni manderangoniko togie cha•gipa company uni jikgipani biming-chi register ka•gipa ong•ani gimin uni jikgipako rim•skaaha.
Aspan salon Borkotoky-chi saksa mandeba tang gong kror ₹6.5 togiako man•ani gimin Dispur Police Station-o FIR ka•angahachim.
Bang•a manderangni togia man•e, police-rangna complaint ka•na re•baani ja•man, ia togie cha•anio bang•arangan jak donga ine police-rang rimchipenba ia obostanini gimin am•sandianirangko dakenga.
Am•sandianirangko dakenggiparang, togia man•gipa manderangko, sandina, togia man•gipa tangkarangko am•na aro togie cha•anio jak dongchapgipa manderangko sandina jotton ka•enga.
Police-rangni am•sandie u•ina man•ani gita, Rishiraj Borkotoky, Assam-o Extra Neutral Alcohol manufacturing-ni project-o invest ka•genchimode tangka bang•e man•pilgen, ine aganenba manderangko invest ka•ate, uamangoniko tangka gong kror 34.33 -na bate cha•aha, ine u•ina gita man•aha.
Ia kamrangko ka•na, sorkarini gita dakchakaniko man•enga, ine aganenba, ong•gija government document-rangko jakkalenba ua manderangko togiaha. Ua manderangko togina gita Assam-ni CM Himanta Biswa Sarma-ni photoko WhatsApp profile -na jakkale an•tango be•be ra•atrongachim, ine am•sandianiko dakgiparang aganangaha.
Am•sandianiko dakanio police-rang business bank account, laptop, tangkarang aro mongsonggipa document-rangko aro data-rangko man•aha jeoniko uamang togie man•gipa tangkarangko bano jakkala uarangko sandianiko dakgen.
Na·simang iakoba nina man·gen:
Na·simang iakoba poraina man·gen: Byrnihat-ni ethanol karkana balwako moila ong·atenga inako jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
