Shillong, Jun 30: Mongolbar salo, Meghalaya a•dokni Chief Minister Conrad K Sangma-ni dilanichi Cabinet-ni tom•aniko ong•atangenba, adita mongsonggipa niamrangko ra•chakangaha.
Skanggipa a•dokni Cabinet, songadam nokadamrango namroro silroroani aro manderangna janggi tangani cholrangko on•na MGNREGS-ni pal mingsregipa Viksit Bharat Guarantee for Rozgar and Ajeevika Mission Gramin (VB-GRAM G)-ko Meghalaya a•dokoba ra•gatna gita ra•chakangaha. Ia VB-GRAM G-ni ning•o sorkari, kam ka•e cha•ani salrangko, songni manderangna sal 100-oni sal 125-ona ra•dodapataha aro ia scheme-ni ning•o songni manderang, songni nokni ramarangko, anganwadi centre-rangko, skul nokrangko rikanio aro samtangtango ong•telaigiparangko ripinge rakkianio bak ra•e, an•tangtangna janggi tangani cholrangkoba dake ra•na man•gnok. Ia gital VB-GRAM G program-ni ning•o Meghalaya a•dok, jaskuna gong crore 1,100 tangkarangko man•soaha.
Ia tom•anio a•dokni Cabinet, 2007 bilsini December 31 tarikna skang, sanction ka•gimin sorkarini kamrango rakkiako man•gipa sak 38 adhoc employee-rangko regularize ka•na gitaba ra•chakangaha.
Ia apsan tom•anion a•dokni Cabinet, taridapgipa Meghalaya Public Service Commission (Limitation of Functions) Regulations, 1972 aro Regulation 3(f)-ko kimitanikoba ra•chakangaha.
Unbaksana, Meghalaya Civil Service Rules 1975-ni ning•o, pay scale baksa Special Secretary (Level 22)-ni mingbri kamrangko ong•katatna gitaba ia tom•anio Cabinet ra•chakangaha.
Iana agreba, Meghalaya Money Lenders and Accredited Loan Providers Bill, 2026, Meghalaya sorkarini Law Department-o Legal Remembrancer & Secretary-na songani, aro Meghalaya Banning of Unregulated Deposit Schemes (BUDS) Rules, 2026-koba ia tom•anio Cabinet ra•chakangaha.
Na·simang iakoba nina man·gen:
Na·simang iakoba poraina man·gen: TFL-ni First Division-o Dadenggre YC aro DYSCA-ni gisepo biltinggrikani a·sel apsan point-rangko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
